سبز چائے کے چند اہم فوائد

سبز چائے
سبز چائے کی مقبولیت دنیا بھر میں ہے، کوئی اسے ہاضمے کے لیے تو کوئی ذائقے کی وجہ سے پسند کرتا ہے جبکہ بیشتر افراد اسے وزن کم کرنے کے لئے استعمال کرتے ہیں۔

قہوہ یا چائے کی مختلف اقسام ہیں، اگر صحت کے حوالے سے بات کی جائے تو سبز چائے کے گنے چنے فوائد ہی ہم واقفت رکھتے ہیں تاہم اس کئی دیگر فوائد بھی ہیں، جن کے بارے میں درج ذیل ہیں۔

میٹا بولک ایکشن سے چربی جلانا
ماہرین کے مطابق سبز چائے موٹاپا کم کرنے کے عمل میں جسم کو میٹابولک ایکشن کے ذریعے سہولت فراہم کرتی ہے۔ ہر انسان کے موٹاپے کی نوعیت مختلف ہوتی ہے لیکن سبز چائے ہر کسی کو فائدہ پہچانے میں معاون ثابت ہوتی ہے۔ سبز چائے میں موجود کیفین جسم کی کارگردگی بڑھاتی ہے۔

دل کی حفاظت
ماہرین طب کے مطابق سبز چائے میں ایک ایسا مرکب دریافت ہوا ہے، جو خون کی رگوں اور شریانوں میں چربی جمع ہونے کے باعث پیدا ہونے والی تنگی اور سختی کو دور کرکے ہمارے دل کی حفاظت کرتا ہے اور اس کا مسلسل استعمال دل کے دورے اور فالج کے خطرے کو کم کرتا ہے۔ ماہرین نے ایک مشترکہ تحقیق کے بعد کہا ہے کہ سبز چائے کے خشک پتوں میں ایک پیچیدہ کیمیکل ’ایپی گیلوکیٹیچن تھری گیلیٹ‘ پایا جاتا ہے۔ سائنسدانوں نے تجربہ گاہ میں ثابت کیا ہے کہ یہ مرکب ایک خاص پروٹین پر اثر انداز ہوتا ہے، جس کا نام ایپولائپو پروٹین اے ون ہے۔

الزائمر کے لئے بہترین
مختلف تحقیقات سے یہ بات ثابت ہو چکی ہے کہ سبز چائے دماغ کے خلیوں کی حفاظت کرتی ہے اور انہیں بے کار ہونے سے بچاتی ہے۔ سبز چائے بڑھتی عمر میں یادداشت اور الزائمر جیسی بیماریوں سے بچنے اور پارکنسز جیسی بیماری کے خطرات کو کافی حد تک روکنے میں مدد کرتی ہے۔ اگر بہت زیادہ ٹینشن ہو تو سبزچائے پینے سے سکون ملتا ہے۔

کینسر کےخطرات کم کرنا
ایک تحقیق میں سبز چائے اور کینسر کی روک تھام کے حوالے سے مثبت نتائج سامنے آئے۔ محققین کے مطابق سبز چائے میں موجود پولیفینولز نامی جزو کینسر کے خلیات کو مارنے اور ان کی پیش قدمی کو روکنے میں مددگار ثابت ہوتا ہے۔ ایک اور تحقیق میں یہ بات سامنے آئی کہ سبز چائے استعمال کرنے والی خواتین میں علاج کے بعد بریسٹ کینسر کے لوٹنے کا امکان کم ہوتا ہے، جبکہ ایک اور امریکی تحقیق میں اسے آنتوں کے کینسر کا خطرہ 30 فیصد تک کم کرنے کے لیے بہترین بتایا گیا۔

کولیسٹرول
سبز چائے خون میں خراب کولیسٹرول کو کم کرتی ہے جبکہ صحت کے لیے ضروری کولیسٹرول کی سطح کو بڑھاتی ہے۔ یاد رہے کہ ہائی کولیسٹرول فالج اور دل کے دورے کی اہم وجوہات میں شامل ہے۔

ہاضمہ اور سر درد
بدہضمی سے ہونے والی گیس اور سردرد کے لیے سبز چائے میں الائچی ڈال کر پینے سے افاقہ ہوتا ہے۔ الائچی معدے میں موجود لعابی جھلی کو مضبوط بناتی ہے، اس لیے یہ تیزابیت کے لیے مفید ہے۔

ذیابطیس کا خطرہ کم ہونا
ماہرین کے مطابق سبز چائے انجائنا اور ذیابطیس ٹائپ ٹو کو کنٹرول کرتی ہے۔ اگر آپ پابندی سے سبز چائے پیتے رہیں تو خون میں شوگر کے اضافے کو بھی کنٹرول کرسکتے ہیں۔ امراض قلب کی روک تھام کے سلسلے میں سبز چائے میں موجود اجزاء خون کی شریانوں میں کولیسٹرول میں اضافے کے خلاف ایک مستحکم اور مضبوط دفاعی نظام فراہم کرتے ہیں۔

الرجی سے ریلیف
سبز چائے فلیونوئڈز یعنی نباتاتی کیمیکلز سے بھرپور ہوتی ہے جو سوجن سے تحفظ دیتے ہیں۔ الرجیز کا سامنا ہونے پر روزانہ کچھ کپ اس مشروب کے استعمال سے ناک کے اندرونی حصے کی سوجن میں کمی آسکتی ہے، جو الرجی سے تحفظ کے لیے مددگار ثابت ہوتا ہے۔ سبز چائے کو اپنے روزانہ کے معمولات میں شامل کرکے جلد ہی آپ اپنی صحت میں بہتری لاسکتے ہیں۔ سبز چائے کا ذائقہ شاید آپ کو تھوڑا سا کڑوا لگ سکتا ہے، جس کے لیے آپ اس میں لیموں یا شہد شامل کرلیں۔

 

Related Posts

وزنی کمبلوں کا گہری نیند سے کیا تعلق ہے؟

وزنی کمبلوں کی فروخت میں اضافے کا سبب محض ایک رجحان نہیں بلکہ اس کے نیند پر مثبت اثر قرار دیا جا رہا ہے۔ غیر ملکی میڈیا…

گلے کی خراش سے نجات حاصل کرنے کے آسان نسخے

گلے کی خراش آپ کے گلے میں درد یا تکلیف ہے جو بہت سی مختلف بیماریوں یا حالات سے منسلک ہو سکتی ہے۔ کچھ گھریلو علاج جو گلے کی…

موسم سرما میں نزلہ زکام سے کیسے بچا جائے؟

نزلہ زکام دنیا بھر کے لوگوں کو درپیش سب سے عام مسئلہ ہے۔ اگرچہ سال کے دوران کسی کو بھی عام سردی لگ سکتی ہے لیکن سردیوں…

کیا رات گئے تک جاگنا صحت کیلئے نقصان دہ ہوتا ہے؟

اگر تو آپ رات گئے تک جاگنے اور صبح اٹھنے میں مشکل محسوس کرنے والے افراد میں سے ہیں، تو آپ کے لیے بری خبر ہے۔ درحقیقت…

کیا پھلوں کا باقاعدہ استعمال اداسی کو دورکرتا ہے؟

غذا اور صحت کا آپس میں گہرا تعلق ہوتا ہے اور اب ایک مطالعے سے معلوم ہوا ہے کہ فاسٹ فوڈ، پروسیس شدہ غذا اور مرغن کھانوں…

سبز پتوں والی سبزیوں کے حیرت انگیز فوائد

ہر انسان صحت مند زندگی جینا چاہتا ہے جبکہ اس کے لیے کوشش بہت کم لوگ کرتے ہیں، صحت مند زندگی کا راز ہری سبزیوں میں چھپا…