بڑھاپا اب ماضی کا قصہ بننے کے قریب؟

بڑھاپا اب ماضی کا قصہ بننے کے قریب؟
بیشتر افراد بڑھاپے کے ساتھ آنے والی جسمانی کمزوریوں اور بیماریوں سے بچنے کی خواہش رکھتے ہیں اور لگتا ہے کہ بہت جلد ایسا ممکن ہوسکے گا۔امریکا کے ہارورڈ میڈیکل اسکول کے ماہرین نے اس سوال کا جواب ڈھونڈ لیا ہے کہ ہم لوگ بوڑھے کیوں ہوتے ہیں۔ایک نئی تحقیق میں ان ماہرین نے ایسی جسمانی گھڑی کے بارے میں…

جلد بڑھاپے اور جان لیوا امراض کا باعث بننے والی عام غلطی

اس تحقیق میں محقق ڈیوڈ سنکلئیر اور ان کی ٹیم نے ایپی جینوم پر توجہ مرکوز کی تھی۔

ایپی جینوم ہی مختلف خلیات کے لیے جینز کو متحرک کرنے میں اہم کردار ادا کرتا ہے۔

محققین نے بتایا کہ وہ نہ صرف چوہے کی عمر کی رفتار بڑھانے میں کامیاب ہوئے بلکہ وہ عمر بڑھنے سے مرتب اثرات کو ریورس کرنے اور ان جانوروں میں جوانی کے حیاتیاتی افعال بحال کرنے میں بھی کامیاب ہوئے۔

تحقیق کے مطابق اس سے ثابت ہوتا ہے کہ ڈی این اے میں آنے والی تبدیلیاں بڑھاپے کے سفر کی بنیادی وجہ نہیں بلکہ ایپی جینوم اس حوالے سے اہم کردار ادا کرتا ہے۔

وہ عام مسئلہ جو جلد بڑھاپے کا باعث بن جائے

ڈیوڈ سنکلئیر طویل عرصے سے یہ خیال پیش کررہے ہیں کہ بڑھاپے کی بڑی وجہ خلیات کو دی جانے والی اہم جینیاتی ہدایات کی کمی ہے۔

اس نئی تحقیق کے نتائج ان کے خیال کو درست ثابت کرتے ہیں۔

انہوں نے کہا کہ یہ بالکل ایسا ہے جیسے سافٹ وئیر پروگرامز کرپٹ ہوجائیں تو انہیں ری بوٹ کرنا پڑتا ہے۔

ان کا کہنا تھا کہ اگر بڑھاپے کی وجہ خلیات میں آنے والی تبدیلیاں ہوں تو عمر کو ریورس کرنا ممکن نہیں، مگر ہم عمر کو ریورس کرنے میں کامیاب ہوئے جس سے ثابت ہوتا ہے کہ سسٹم ٹھیک ہے اور بیک اپ بھی موجود ہے، بس سافٹ وئیر کو ری بوٹ کرنے کی ضرورت ہے۔

ڈپریشن جیسی بیماری کے عام ہونے کی بڑی وجہ دریافت

اس تحقیق کے لیے ماہرین نے ایپی جینوم ہدایات کی بیک اپ کاپی کو ری اسٹارٹ کرکے خلیات کو نئی زندگی فراہم کی اور پھر خلیات کو بڑھاپے کی جانب بڑھنے کے سگنل فراہم کیے۔

ایسا کرنے سے چوہوں کے جسم پر بڑھاپے کے آثار نمایاں ہوگئے، یعنی کھال کی رنگت سفید ہونے لگی، جسمانی وزن گھٹ گیا، چلنا پھرنا کم ہوگیا جبکہ جسمانی توازن بگڑ گیا۔

اس عمل کے لیے ماہرین نے جین تھراپی کی ایک قسم کی مدد لی تھی اور 3 جینز کے افعال کو ری بوٹ کیا گیا۔

عمر بڑھانے کے بعد انہوں نے اس عمل کو ریورس کیا اور وہ چوہے ایک بار پھر جوان نظر آنے لگے۔

سردیوں میں جسم کے جوڑ کیوں دکھتے ہیں؟ وجہ اور درد دور کرنیکا طریقہ جانیے

محققین نے بتایا کہ ہم اسٹیم سیلز نہیں بنارہے بلکہ جسمانی گھڑی کو الٹا گھما دیا ہے اور ہم اس کے مثبت نتائج سے دنگ رہ گئے۔

انہوں نے کہا کہ ہم اب تک ایسے خلیات کو دریافت نہیں کرسکے جس کی عمر ہم آگے یا پیچھے نہ کرسکیں۔

مگر کیا یہ طریقہ کار انسانوں پر کام کرے گا؟ اس سوال کا جواب جاننے کے لیے ڈیوڈ سنکلئیر تحقیق کو مزید آگے بڑھائیں گے۔

انہوں نے بتایا کہ نئی تحقیق کے نتائج کا اطلاق کسی ایک ٹشو یا عضو پر نہیں بلکہ جانور کے پورے جسم پر ہوتا ہے۔

وہ انسانوں میں سب سے پہلے عمر سے بینائی پر مرتب اثرات کو ریورس کرنے کا کام کریں گے۔

جگر کیلئے وہ تباہ کن غذا جو بیشتر افراد بہت شوق سے کھاتے ہیں

انہوں نے مزید بتایا کہ متعدد امراض کا علاج عمر کے اثرات کو ریورس کرکے ممکن ہوسکتا ہے مگر اس حوالے سے ابھی مزید تحقیقی کام کرنا ہوگا کیونکہ ابھی ہمیں کافی کچھ سمجھنے کی ضرورت ہے۔

ان کا کہنا تھا کہ ہم ایسی ادویات تیار کرنے کے لیے پرامید ہیں جو جسمانی اعضا کو نئی زندگی فراہم کرسکیں گی۔

اس تحقیق کے نتائج جرنل سیل میں شائع ہوئے۔

Related Posts

واٹس ایپ کے نئے فیچر نے صارفین کی مشکل آسان کردی

واٹس ایپ کے اسٹیٹس فیچر میں مزید اپ ڈیٹس متعارف کرا دی گئیں۔ سوشل میڈیا صارفین کے باہمی رابطوں کی مقبول ترین ایپلیکیشن واٹس ایپ میں اسٹیٹس…

واٹس ایپ صارفین کیلئے بڑی خوشخبری سامنے آگئی

واٹس ایپ اپنے صارفین کیلئے نیا فیچر لانے کی تیاری کر رہی ہے۔ میڈیا رپورٹس کے مطابق واٹس ایپ کمپنی اینڈرائیڈ بیٹا پر ایک نیا ’وائس اسٹیٹس…

پہلے مرغی آئی یا انڈہ؟ سائنس نے گتھی سلجھا دی

عرصے سے ایک سوال مباحثے کا باعث بنا ہوا ہے اور وہ ہے کہ انڈہ پہلے آیا یا مرغی؟اب تک اس کا حتمی اور ٹھوس جواب تو…

بڑھاپا اب ماضی کا قصہ بننے کے قریب؟

بیشتر افراد بڑھاپے کے ساتھ آنے والی جسمانی کمزوریوں اور بیماریوں سے بچنے کی خواہش رکھتے ہیں اور لگتا ہے کہ بہت جلد ایسا ممکن ہوسکے گا۔امریکا…

بنا بجلی کے چلنے والا ٹی وی تیار

ایک ایسا ٹیلی ویژن جسے چلانے کیلئے آپ کو کسی وائر اور بجلی کی ضرورت نہیں پڑے گی۔ عالمی میڈیا رپورٹس کے مطابق امریکا میں بنا تار…

کوکا کولا کا اپنا سمارٹ فون متعارف کرانے کا فیصلہ

مشروب ساز کمپنی کوکا کولا کی جانب سے جلد ہی اپنا سمارٹ فون مارکیٹ میں لائے جانے کا امکان ہے۔ عالمی میڈیا رپورٹس کے مطابق یہ فون کسی…