امریکی نائب صدر جے ڈی وینس نے گرین کارڈ ہولڈرز کیلئے بھی خطرے کی گھنٹی بجادی۔
امریکی ٹی وی چینل کو دیے گئے انٹرویو میں نائب صدر جے ڈی وینس کا کہنا تھا کہ گرین کارڈ ہولڈرز کو امریکا میں مستقل رہائش کا حق حاصل نہیں، آئندہ مہینوں میں بڑی تعداد میں غیر قانونی تارکین وطن کی بےدخلی متوقع ہے
امریکی ٹی وی کو انٹرویو میں انکا کہنا تھا کہ گرین کارڈ ہولڈرز امریکی شہریوں جیسے حقوق کے مالک نہیں ہیں۔
رپورٹر کا مائیک چہرے سے ٹکرانے پر ٹرمپ کا غصے سے ’گھورنا‘ سوشل میڈیا پر وائرل
انہوں نے محمود خلیل سے متعلق کہا کہ حکومت کسی کو ملک بدر کرنے کا فیصلہ کرے تو اسے رکنے کا کوئی قانونی حق حاصل نہیں ہوگا۔ معاملہ بنیادی آزادی اظہار کا نہیں بلکہ قومی سلامتی کا ہے۔
نائب صدر نے غیرقانونی تارکین وطن کی تعداد میں 85 فیصد کمی کا دعویٰ کرتے ہوئے کہا کہ اسٹوڈنٹ ویزے کے حامل افراد پر بھی سختی کی جائے گی۔
ٹرمپ نے تنقیدی کوریج کرنیوالے امریکی میڈیا کے اداروں کو بدعنوان قرار دے دیا
واضح رہے کہ ٹرمپ کی جانب سے عہدہ سنبھالتے ہی غیر قانونی تارکین وطن کے خلاف سخت اقدامات شروع کردیے گئے تھے اور اب تک غیر قانونی طور پر رہنے والے سیکڑوں افراد کو امریکا سے نکالا جا چکا ہے۔