سپریم کورٹ آف پاکستان میں ججز کی سنیارٹی اور ٹرانسفر سے متعلق اہم آئینی مقدمے کا فیصلہ محفوظ کرلیا گیا ہے۔ عدالت عظمیٰ کا کہنا ہے کہ کیس کا مختصر فیصلہ آج ہی سنایا جائے گا۔
یہ مقدمہ اسلام آباد ہائی کورٹ میں ججز کی تعیناتی و تبادلے سے متعلق دائر درخواستوں پر سنا گیا۔ پانچ رکنی آئینی بینچ، جس کی سربراہی جسٹس محمد علی مظہر کر رہے ہیں، نے دلائل مکمل ہونے کے بعد فیصلہ محفوظ کیا۔
کیس کی سماعت کے دوران عدالتی بینچ نے ججز کی سنیارٹی، تقرری اور تبادلے کے قانونی پہلوؤں پر تفصیل سے غور کیا۔ سپریم کورٹ نے عندیہ دیا ہے کہ مقدمے کا مختصر فیصلہ آج کسی وقت سنایا جائے گا، جبکہ تفصیلی فیصلہ بعد میں جاری کیا جائے گا۔