برطانوی حکومت نے اپنی خفیہ ایجنسی ایم آئی 6 کی نئی سربراہ بلاز میٹریویلی کو اپنے دادا سے دور رہنے کی ہدایت کردی ہے۔
رپورٹ کے مطابق بلاز میٹریویلی رواں برس ایم آئی 6 کی 116 سالہ تاریخ میں اس ادارے کی پہلی خاتون سربراہ نامزد ہوئی ہیں، جس کا اعلان حکومت نے رواں ماہ کے آغاز میں کیا تھا۔
ڈیلی میل اخبار نے رواں ہفتے انکشاف کیا کہ بلاز میٹریویلی کے دادا کونسٹینٹین ڈوبروولسکی نے سوویت یونین کی ریڈ آرمی سے غداری کر کے نازی جرمن فوج (ویہرماخت) کے لیے یوکرین کے موجودہ علاقے چرنیہیف میں جاسوسی کی تھی۔
اخبار کے مطابق جرمن آرکائیوز سے پتا چلتا ہے کہ ڈوبروولسکی قصائی یا ایجنٹ نمبر 30 کے نام سے مقبول تھا۔
ٹرمپ کی مدت ختم ہونے کے بعد ان کے گھر سے کون امریکی صدارت کی دوڑ میں شامل ہوگا
برطانوی دفتر خارجہ کے ترجمان نے ایک بیان میں کہا کہ بلاز میٹریویلی نہ تو اپنے دادا سے کبھی ملی ہیں اور نہ ہی انہیں جانتی ہیں۔
ترجمان نے مزید کہا کہ بلاز میٹریویلی کی خاندانی تاریخ تضادات اور تقسیم سے عبارت ہے، جیسا کہ مشرقی یورپی ورثے رکھنے والے بہت سے افراد کے ساتھ ہوتا ہے، اور یہ مکمل طور پر سمجھ میں آنے والی نہیں۔
’میں تو جا رہی ہوں!‘: ایک ای میل نے سی ای او سمیت پوری کمپنی کی دل کی دھڑکنیں روک دیں
ڈیلی میل کے مطابق، ڈوبروولسکی کے سر کی قیمت سوویت حکام نے 50 ہزار روبل مقرر کی تھی اور اسے یوکرینی عوام کا بدترین دشمن قرار دیا گیا تھا۔ اخبار نے یہ بھی دعویٰ کیا کہ اس نے اپنے اعلیٰ افسران کو خطوط لکھ کر اعتراف کیا تھا کہ وہ ذاتی طور پر یہودیوں کے خاتمے میں شامل رہا ہے۔
رپورٹ کے مطابق 47 سالہ بلاز میٹریویلی ایم آئی 6 کی اٹھارہویں سربراہ ہوں گی۔ ان کے پیش روؤں کی طرح انہیں ”سی“ کے نام سے جانا جائے گا۔