بھارتی اپوزیشن لیڈر اور انڈین نیشنل کانگریس کے رہنما راہول گاندھی نے انکشاف کیا ہے کہ مودی اور اڈانی نے اسرائیلی دفاعی ویب سائٹ کی نقالی سے اربوں کی کمائی کا کھیل رچایا ہے۔
راہول گاندھی نے یہود و ہنود کا گٹھ جوڑ اور مودی کی دفاعی کرپشن بری طرح بے نقاب کردی۔
راہول گاندھی نے بڑا انکشاف کرتے ہوئے کہا کہ مودی کا ”میک اِن انڈیا“ کا نعرہ صرف دکھاوا ہے، حقیقت میں سب کچھ ”میک اِن اڈانی و امبانی“ ہے۔
راہول گاندھی کا کہنا تھا کہ اڈانی نے ایک اسرائیلی دفاعی ویب سائٹ کو کاپی کیا، اس کا نام بدل کر ’اڈانی ڈیفنس‘ رکھ دیا، اور اس طرح وہ نمبر 1 سیلز مین بن گیا۔
مودی بھارت کی تاریخ کے بدترین وزیرِاعظم قرار
بھارتی اپوزیشن لیڈر نے انکشاف کیا کہ اسرائیلی نیگیو اور ابھے رائفلز کو بھارتی بتا کر مودی سرکار صرف لیبلنگ کا کمیشن کھا رہی ہے، مودی کا دفاعی بجٹ عوام کی نہیں بلکہ امبانی و اڈانی کی تجوریاں بھرتا ہے۔
راہول گاندھی نے مودی سرکار کا پول کھولتے ہوئے کہا کہ جو پیسہ فوجیوں کی پنشن و ٹریننگ پر لگنا تھا، وہ اب اڈانی ڈیفنس کو جاتا ہے، دفاعی سازوسامان اسرائیل سے آتا ہے، بس اڈانی فیکٹری میں ’میک اِن انڈیا‘ کا ٹیگ لگتا ہے۔
مودی کے ترقیاتی دعوؤں کا پردہ فاش: بی جے پی منشور کا پوسٹ مارٹم کردیا گیا
ان کا مزید کہنا تھا کہ اسرائیلی اسلحہ صرف اسمبل کر کے بھارتی نام لگانا قومی سلامتی اور نوجوانوں کے مستقبل کے ساتھ سنگین مذاق ہے۔