تمام ناراض رہنماوں سے بات چیت کی ہے ان کے تحفظات دور کرنا ہمارا فرض ہے، بیرسٹر گوہر

پاکستان تحریک انصاف (پی ٹی آئی) کے چیئرمین بیرسٹر گوہر نے کہا ہے کہ بلا مقابلہ انتخابات ہونا کوئی نئی بات نہیں، سینیٹ کے موجودہ امیدواروں کی منظوری بانی پی ٹی آئی عمران خان نے دی، امید ہے کہ کوئی بھی پارٹی ورکر اور رہنما پارٹی منشور کی خلاف ورزی نہیں کرے گا، تمام ناراض رہنماوں سے بات چیت کی ہے اور ناراض رہنماؤں کے تحفظات دور کرنا ہمارا فرض ہے۔

آج نیوز سے گفتگو کرتے ہوئے چیرمین پی ٹی آئی بیرسٹر گوہر نے بلا مقابلہ انتخابات ہونا کوئی نئی بات نہیں، تمام ناراض رہنماؤں سے بات چیت کی ہے، سینٹ کے موجودہ امیدواروں کی منظوری بانی پی ٹی آئی عمران خان نے دی، بانی پی ٹی آئی کے فیصلے پر عمل درآمد پوری پارٹی پر لازم ہے۔

بیرسٹرگوہر نے کہا کہ ناراض رہنماؤں کے تحفظات دور کرنا ہمارا فرض ہے، امید ہے کوئی بھی پارٹی ورکر اور رہنما پارٹی منشور کی خلاف ورزی نہیں کرے گا۔

چیئرمین پی ٹی آئی نے مزید کہا کہ پارٹی کے اندرونی معاملات جلد حل ہوں گے، پی ٹی آئی دیرینہ ورکرز اور کارکنوں کی قدر کرتی ہے، تمام فیصلے پارٹی کے بہتر مفاد میں کیے جائیں گے۔