بھارتی نائب صدر اور بھارتی راجیہ سبھا (ایوان بالا)کے چیئرمین جگ دیپ دھنکھر عہدے سے مستعفی ہوگئے۔
بھارتی میڈیا کے مطابق بھارتی ریاست راجستھان سے تعلق رکھنے والے 74سالہ جگ دیپ دھنکھر نے طبی مسائل کو استعفیٰ دینے کی وجہ بتایا ہے۔
صدر دروپدی مرمو کو لکھے ایک خط میں نائب صدر دھنکھر نے لکھا کہ ”صحت کی دیکھ بھال کو ترجیح دینے اور طبی مشورے کی پابندی کرنے کے لیے، میں آئین کے آرٹیکل 67(a) کے مطابق فوری طور پر، بھارت کے نائب صدر کے عہدے سے استعفیٰ دیتا ہوں۔“
جگ دیپ دھنکھر 2022سے نائب صدر کے عہدے پر موجود تھے۔ بھارتی میڈیا کے مطابق اب بھارتی پارلیمنٹ نئے نائب صدر کا انتخاب کرے گی۔
بھارتی میڈیا کے مطابق نئے نائب صدر کے انتخاب تک جگدیپ دھنکھر ذمہ داریاں نبھائیں گے۔بھارتی میڈیا اداروں کے مطابق ان کا استعفیٰ مون سون سیشن کے پارلیمنٹ کے اجلاس کے پہلے ہی دن آیا جو حیران کن ہے۔