اعلیٰ ثانوی تعلیمی بورڈ کراچی نے انٹرمیڈیٹ بارہویں جماعت سائنس پری میڈیکل گروپ کے سالانہ امتحانات برائے 2025ء کے نتائج کا اعلان کردیا ہے۔
چیئرمین انٹر بورڈ کراچی فقیر محمد لاکھو نے نتائج کا اعلان کرتے ہوئے بتایا کہ پری میڈیکل گروپ کے امتحانات میں پہلی تینوں پوزیشنیں طالبات نے حاصل کی ہیں۔
پری میڈیکل گروپ میں کامیابی کا تناسب 56.99 فیصد رہا، اور اس میں 28,259 امیدواروں نے رجسٹریشن حاصل کی تھی، جن میں سے 27,323 امیدواروں نے امتحانات میں حصہ لیا۔ ان میں سے 15,582 امیدوار کامیاب قرار پائے۔
کراچی میں انٹرمیڈیٹ امتحانات کا شیڈول تبدیل کرنے کی تجویز
پہلی پوزیشن پر بحریہ کالج کارساز کی طالبہ فاطمہ صدیقی نے ٹوٹل 1100 میں سے 1021 نمبرز کے ساتھ اے ون گریڈ حاصل کر کے پہلی پوزیشن حاصل کی۔
دوسری پوزیشن بھی بحریہ کالج کارساز کی طالبہ منزہ خان نے 1016 نمبرز کے ساتھ اے ون گریڈ حاصل کی۔
کراچی میں 28 اپریل سے شروع ہونے والے انٹرمیڈیٹ کے امتحانات ملتوی ہونے کا خدشہ
تیسری پوزیشن ایمرجنگ ٹیکنالوجیز کی طالبہ انوشہ نوید نے 1015 نمبرز کے ساتھ اے ون گریڈ حاصل کی۔
امتحانات میں کامیاب ہونے والے امیدواروں میں سے 1996 امیدواروں نے اے ون گریڈ حاصل کیا، جبکہ 3401 نے اے گریڈ، 4707 نے بی گریڈ، 4595 نے سی گریڈ، 1878 نے ڈی گریڈ اور 60 امیدواروں نے ای گریڈ میں کامیابی حاصل کی۔
چیئرمین فقیر محمد لاکھو نے کامیاب ہونے والی طالبات کو مبارکباد دی اور کہا کہ ”تمام گروپس کے نتائج کے اعلان کے بعد، پوزیشن ہولڈرز طلبہ کی حوصلہ افزائی کے لیے ایک خصوصی تقریب منعقد کی جائے گی جس میں ان کے والدین اور اساتذہ کو بھی مدعو کیا جائے گا۔“