مری: اسکول وین میں آتشزدگی، 10 بچے جھلس گئے
اسکول کے بچوں کو لے جانے والی اسکول وین حادثے کا شکار ہوگئی جس کے نتیجے میں 10 بچے جھلس کر زخمی ہوگئے۔
ریسکیو 1122 کے مطابق حادثہ مری کے علاقے بڑاہوتر کے قریب پیش آیا، جہاں اسکول وین سڑک سے نیچے جاگری۔ حادثے کے فوراً بعد وین میں اچانک آگ بھڑک اٹھی۔
ریسکیو اہلکاروں نے موقع پر پہنچ کر بچوں کو وین سے نکالا اور زخمیوں کو سول اسپتال مری منتقل کردیا۔
ڈپٹی کمشنر مری کے مطابق زخمی ہونے والے تمام بچوں کی حالت خطرے سے باہر ہے۔ بعض بچوں کو مزید طبی امداد کے لیے ہولی فیملی اسپتال منتقل کیا جارہا ہے۔