پنجاب کے دریاؤں میں طغیانی کی صورتحال برقرار ہے۔ صوبائی ڈیزاسٹر مینجمنٹ اتھارٹی (پی ڈی ایم اے) پنجاب کے مطابق بالائی علاقوں میں بارشوں سے دریاؤں کے بہاؤ میں غیر معمولی اضافہ ہوا ہے۔

پی ڈی ایم اے کے مطابق دریائے ستلج میں گنڈا سنگھ والا اور دریائے چناب میں پنجند کے مقام پر انتہائی اونچے درجے کا سیلاب ہے۔

پنجاب کے دریاؤں میں سیلاب کی صورتحال

پی ڈی ایم اے کے مطابق پنجاب کے دریاؤں میں طغیانی کی صورتحال برقرار ہے، بالائی علاقوں میں بارشوں سے دریاؤں کے بہاؤ میں غیر معمولی اضافہ ہوا ہے۔

ترجمان پی ڈی ایم اے نے بتایا ہے کہ دریائے ستلج گنڈا سنگھ والا کے مقام پر انتہائی اونچے درجے کا سیلاب ہے، جہاں پانی کا بہاؤ 2 لاکھ 61 ہزار کیوسک ہے۔

جبکہ سلیمانکی کے مقام پر اونچے درجے کا سیلاب ہے۔ سلیمانکی کے مقام پر پانی کا بہاؤ 1 لاکھ 37 ہزار کیوسک ہے۔

دریائے چناب

ترجمان پی ڈی ایم اے کے مطابق دریائے چناب مرالہ کے مقام پر پانی کا بہاؤ 69 ہزار کیوسک ہے، دریائے چناب، خانکی ہیڈ ورکس کے مقام پر نچلے درجے کا سیلاب ہے۔

خانکی ہیڈ ورکس پر پانی کا بہاؤ 1 لاکھ 8 ہزار کیوسک ہے۔ دریائے چناب میں قادر اباد کے مقام پر نچلے درجے کا سیلاب ہے، دریائے چناب، قادرآباد پر پانی کا بہاؤ 1 لاکھ 20 ہزار کیوسک ہے۔

پی ڈی ایم اے کے مطابق دریائے چناب ہیڈ تریموں پر پانی کا بہاؤ 4 لاکھ 16 ہزار کیوسک ہے، پنجند کے مقام پر انتہائی اونچے درجے کا سیلاب ہے جہاں پانی کا بہاؤ 4 لاکھ 52 ہزار کیوسک ہے۔

دریائے راوی

پی ڈی ایم اے کے مطابق دریائے راوی جسڑ کے مقام پر پانی کا بہاؤ 28 ہزار کیوسک ہے، شاہدرہ کے مقام پر درمیانے درجے کا سیلاب ہے، جہاں پانی کا بہاؤ 59 ہزار کیوسک ہے۔

دریائے راوی بلوکی ہیڈ ورکس پر انتہائی اونچے درجے کا سیلاب ہے، جہاں پانی کا بہاؤ 1 لاکھ 4 ہزار کیوسک ہے۔

دریائے راوی ہیڈ سدھنائی کے مقام پر اونچے درجے کا سیلاب ہے، جہاں پانی کا بہاؤ 1 لاکھ 35 ہزار کیوسک ہے۔

ترجمان پی ڈی ایم اے کے مطابق وزیر اعلیٰ پنجاب کی ہدایات پر تمام محکمے الرٹ ہیں اور شہریوں کی جان و مال کے تحفظ کیلئے تمام تر وسائل بروئے کار لائے جا رہے ہیں۔