حکومت اور اپوزیشن رہنماؤں کے درمیان مذاکرات کا آغاز

وفاقی دارالحکومت اسلام آباد میں حکومت اور اپوزیشن کے درمیان مذاکرات کا آغاز ہوچکا ہے، مذاکرات اسپیکر چیمبر کے کمیٹی روم میں ہو رہے ہیں۔ حکومت اور اپوزیشن رہنماؤں کی ملاقات میں ملک کی موجودہ سیاسی صورتحال اور باہمی معاملات پر بات چیت کی جا رہی ہے۔

ذرائع کے مطابق مذاکرات کا دوسرا دور نمازِ جمعہ کے بعد ہوگا۔

حکومت کی جانب سے ملاقات میں وزیر داخلہ محسن نقوی،

اس حوالے سے وفاقی وزیر پارلیمانی امور طارق فضل چوہدری نے کہا کہ حکومت اور اپوزیشن کے درمیان مذاکرات کا سلسلہ شروع ہوگیا ہے، اچھی امید کے ساتھ مذاکرات میں بیٹھیں گے۔ مسائل کا حل بات چیت کے ذریعے نکالنا ملک کے لیے بہتر ہے۔

طارق فضل چوہدری کا کہنا تھا کہ بار بار اسلام آباد پر چڑھائی کرنے کے بجائے سیاسی رویہ اپنانا پڑے گا، مذاکرات میں ممکنہ حل کی جانب بڑھیں گے۔

وزیر مملکت داخلہ طلال چوہدری نے کہا کہ وزیراعظم نے ہر جگہ مذاکرات کی دعوت دی، پارلیمانی جماعتوں سے مذاکرات میں کبھی جھجک نہیں رہی۔ انہوں نے کہا کہ آئیں مسائل پارلیمنٹ کے اندر بیٹھ کر بات چیت کے ذریعے حل کریں اور اس موقع کو ضائع نہ کریں۔