پرینیتی چوپڑا اور ان کے شوہر راگھو چڈھا نے سماجی رابطے کی ویب سائٹ پر خوشی کی خبرسنائی اور پوسٹ میں کہا کہ ‘بالآخر وہ آگیا، ہمارا بیٹا! اور ہمیں پہلی والی زندگی بالکل بھی یاد نہیں’۔
انہوں نے جذباتی انداز میں اپنی خوشی کا اظہار کرتے ہوئے لکھا کہ ‘بازو بھرے ہوئے ہیں اور ہمارے دل اس سے بھی زیادہ بھر گئے ہیں’۔
پرینیتی چوپڑا اور ان کے شوہر نے لکھا کہ ‘پہلے ایک دوسرے کے لیے صرف ہم تھے اور اب ہمارے پاس سب کچھ ہے’۔
View this post on Instagram
A post shared by Raghav Chadha (@raghavchadha88)
یاد رہے کہ پرینیتی چوپڑا اور بھارت کے رکن اسمبلی راگھو چڈھا 13 مئی 2023 کو رشتے میں بندھ گئے تھے اور 24 ستمبر 2023 کو شادی ہوئی تھی۔
دونوں نے رواں برس اگست میں انسٹاگرام پر مداحوں کو خوش خبری سنائی تھی کہ وہ جلد ہی والدین بننے والے ہیں اور خوب صورت انداز میں اپنے نئے مہمان کی آمد کا حوالہ دیتے ہوئے کیک پر 1+1 درج کیا تھا۔