پشاور اسکول سانحہ: نامزد ملزمان کی تعداد 4 ہوگئی، 3 گھر چھوڑ کر فرار
دیر کالونی اسکول سانحے کی تحقیقات جاری ہیں، واقعے کے مقدمے میں نامزد ملزمان کی تعداد چار ہوگئی ہے، جبکہ اسکول مالک کے علاوہ تین دیگر ملزمان کی گرفتاری کے لیے چھاپے مارے جا رہے ہیں۔
تفتیشی ٹیم کے ذرائع کے مطابق مقدمے میں نامزد تینوں مزید ملزمان اسکول مالک کے مبینہ پارٹنرز ہیں، جو گھر چھوڑ کر فرار ہوچکے ہیں۔ ملزمان کی گرفتاری کے بعد تحقیقات کو مزید آگے بڑھایا جائے گا۔
ذرائع کا کہنا ہے کہ سانحے سے متعلق درج مقدمے میں دہشت گردی کی دفعات شامل نہیں کی گئیں۔
واضح رہے کہ دیر کالونی اسکول سانحے میں ایک استاد سمیت 34 بچے جاں بحق ہوئے تھے۔