’’چلو چلو اسلام آباد چلو‘‘ شر نہیں خیر کیلیے، پرویز رشید کا سوشل میڈیا پر معنی خیز بیان

مسلم لیگ ن کے سینیئر رہنماء پرویز رشید نے ایران امریکا مذاکرات کے بعد اسلام آباد کو دنیا کا شہر امن قرار دیتے ہوئے ’’ایکس‘‘ پر معنی خیز بیان جاری کر دیا۔

سماجی رابطے کی سائٹ ’’ایکس‘‘ پر سینیئر لیگی رہنما پرویز رشید نے کہا کہ اسلام آباد! شناخت یلغار، لشکر کشی اور دھرنے جہاں دوست کے دورے منسوخ ہو جاتے، جن کی آمد سے پاکستان کو سرمایہ کاری میسر ہونی ہوتی۔

اسلام آباد ! شناخت یلغار، لشکر کشی اور دھرنے ۔جہاں دوست ممالک کے سربراہوں کے دورے منسوخ ہو جاتے ۔ جن کے آمد سے پاکستان کو سرمایہ کاری میسر ہونی ہوتی ۔ اب اسی شہر کو دنیا “ شہر امن” قرار دیتی ہے۔ شہر وہی ہے قیادت بدل گئ ہے ۔ “چلو چلو اسلام آباد چلو “ شر نہیں ،خیر کیلۓ
— Pervaiz Rashid (@SenPervaizRd) April 15, 2026

پرویز رشید نے لکھا کہ اب اسی شہر کو دنیا ’’شہر امن‘‘ قرار دیتی ہے، بس شہر وہی ہے لیکن قیادت بدل گئی ہے۔

سینیئر رہنما کا کہنا تھا کہ ’’چلو چلو اسلام آباد چلو‘‘ شر نہیں بلکہ خیر کے لیے ہے۔