کراچی کے علاقے سائٹ بی میں بلدیہ نمبر دو کٹ کے قریب پولیس اور ملزمان کے درمیان مبینہ مقابلہ ہوا، جس کے نتیجے میں ایک ڈاکو ہلاک جبکہ اس کا ساتھی فرار ہونے میں کامیاب ہوگیا۔
پولیس کے مطابق ہلاک ہونے والے ملزم کی لاش کو ضابطے کی کارروائی کے لیے سول اسپتال کراچی منتقل کر دیا گیا ہے جہاں اس کی شناخت عبدالرؤف کے نام سے کی گئی ہے۔
پولیس کا کہنا ہے کہ فرار ہونے والے ملزم کی تلاش کے لیے علاقے میں سرچ آپریشن جاری ہے، جبکہ واقعے کی مزید تحقیقات بھی کی جا رہی ہیں۔