دورہ نیوزی لینڈ میں تماشائی سے کیوں اُلجھے؟ خوشدل شاہ نے انکشاف کردیا

نیوزی لینڈ کے شہر ماؤنٹ مانگانوئی میں پاکستان اور نیوزی لینڈ کے درمیان دورانِ میچ خوشدل شاہ کی تماشائی کے ساتھ جھگڑے سے متعلق کرکٹر نے انشکاف کردیا۔

نجی ٹی وی کو دئے گئے انٹرویو میں قومی ٹیم کے آل راؤنڈر خوشدل شاہ نے فینز کی جانب سے پرچی پُکارے جانے پر کہا کہ میں کسی کرکٹر کا بیٹا نہیں ہوں، اور نہ کسی سیاستدان کا بھانجا! اور کوئی بھی میرا رشتہ دار نہیں جو کرکٹ میں مجھے لایا ہو۔

قومی کرکٹر کا کہنا تھا کہ میں ایک عام گھرانے سے تعلق رکھتا ہوں، لوگوں کو گزشتہ کارکردگی دیکھنی چاہیے، ٹیم میں جگہ بنانے کیلئے بھرپور محنت کی ہے، کسی کرکٹر یا سیاستدان کا رشتہ دار نہیں جو مجھے کوئی پرچی بلا سکے۔

خوشدل شاہ نے انکشاف کیا کہ نیوزی لینڈ میں تماشائیوں کی طرف سے گالم گلوچ کی جا رہی تھیں، میں سالوں سے برداشت کررہا ہوں مگر جب بات ملک یا والدین کی ہو، تو خاموش نہیں رہ سکتا، اگر دوبارہ ایسا ہوا، تو ویسا ہی ردعمل دوں گا۔

پی ایس ایل: عثمان خان کو عبید شاہ کا زوردار تھپڑ

انہوں نے ٹی20 میں جلد وکٹ گنوانے کے سوال پر کہا کہ کبھی میرے 25 رنز ٹیم کو جتوا دیتے ہیں جبکہ سینچری راہیگاں چلی جاتی ہے، خوشدل شاہ نے کہا کہ ہمیشہ ٹیم کیلئے کھیلتا ہوں۔

واضح رہے کہ دورہ نیوزی لینڈ کے دوران خوشدل شاہ نے سیریز کے تیسرے اور آخری ون ڈے میچ میں فینز کی جانب حملہ کرنے کیلئے کرکٹ آگے بڑھے تھے تاہم سیکیورٹی اہلکاروں اور کھلاڑیوں نے انہیں روکا تھا۔ واقعے کی ویڈیو بھی سوشل میڈیا پر وائرل ہوئی تھی۔