پاکستان اور بھارت کے درمیان رات گئے ہونے والے تصادم کے بعد اسلام آباد انٹرنیشنل ائیرپورٹ پروازوں کے لیے بند کردیا گیا ہے اور تمام فلائٹس کو کراچی ائرپورٹ پر موڑ دی گئی ہیں۔ بدھ کے روز ایشیائی ایئرلائنز نے اعلان کیا ہے کہ وہ بھارت اور پاکستان کے درمیان شدید کشیدگی کے باعث یورپ جانے اور وہاں سے آنے والی اپنی پروازوں کو یا تو منسوخ کر رہی ہیں یا ان کے راستے تبدیل کیے جا رہے ہیں۔
بھارتی فضائی حملوں کے بعد بدھ کی صبح پاکستان بھر میں ہائی سیکیورٹی الرٹ نافذ کر دیا گیا جبکہ متعدد اہم ہوائی اڈوں پر فضائی آپریشن معطل کر دیے گئے۔ یہ اقدام بھارتی جارحیت کے پیش نظر احتیاطی تدابیر کے طور پر اٹھایا گیا ہے۔
اس کشیدگی میں اس وقت شدت آئی جب بھارت نے پاکستان اور آزاد کشمیر پر حملہ کیا، جوابی کارروائی میں پاکستان نے بھارت کے پانچ بھارتی جنگی طیارے مار گرائے ہیں اور بریگیڈ ہیڈ کوارٹر تباہ کردیا گیا ہے۔
پاکستان میں کسی فوجی تنصیبات کو نشانہ نہیں بنایا، جوابی کارروائی کے ڈر سے بھارت کی دہائیاں
سرکاری ذرائع کے مطابق اسلام آباد انٹرنیشنل ایئرپورٹ کو ریڈ الرٹ پر رکھا گیا ہے اور اس کی فضائی حدود کو تمام کمرشل پروازوں کے لیے بند کر دیا گیا ہے۔ اس اچانک اقدام کے باعث ہوائی آپریشن شدید متاثر ہوا ہے اور تین بین الاقوامی پروازوں کو متبادل ہوائی اڈوں کی جانب موڑ دیا گیا۔
متاثرہ پروازوں میں قطر ایئرویز کی دوحہ سے آنے والی پرواز، سعودی ایئرلائنز کی ایک پرواز اور ایک نجی فضائی کمپنی کی پرواز شامل ہیں، جنہیں پشاور اور دیگر قریبی شہروں کے ہوائی اڈوں پر اتارا گیا۔
مزید برآں، کراچی، لاہور، ملتان، فیصل آباد، سکردو اور پشاور کے ہوائی اڈوں کو بھی ہائی الرٹ پر رکھا گیا ہے، اور ملک بھر میں ہوابازی کے تمام اداروں کو ہنگامی پروٹوکول پر عملدرآمد کا حکم دے دیا گیا ہے۔
ایشیائی ایئر لائنز کا ردعمل
تائیوان کی ایوا ایئر (EVA Air) نے ایک بیان میں کہا ہے کہ وہ بھارت اور پاکستان کے درمیان جاری لڑائی سے متاثرہ فضائی حدود سے بچنے کے لیے اپنی یورپ جانے اور وہاں سے آنے والی پروازوں کے راستوں کو ایڈجسٹ کر رہی ہے۔ ایئرلائن کے مطابق ویانا سے روانہ ہونے والی ایک پرواز کو واپس ویانا ہی موڑ دیا جائے گا، جبکہ تائی پے سے میلان جانے والی پرواز کو ایندھن کے لیے ویانا میں اتارا جائے گا، جس کے بعد وہ اپنی منزل کی طرف روانہ ہو گی۔
جنوبی کوریا کی کورین ایئر (Korean Air) نے بھی پاکستان کی فضائی حدود سے بچنے کا فیصلہ کیا ہے۔ یہ ایئرلائن جنوبی کوریا کے انچیون ایئرپورٹ اور متحدہ عرب امارات کے شہر دبئی کے درمیان پروازیں چلاتی ہے۔ یہ اطلاع یونہاپ نیوز ایجنسی نے دی ہے۔
تائیوان کی چائنا ایئرلائنز (China Airlines) نے بتایا کہ اس نے ہنگامی منصوبہ فعال کر دیا ہے اور اپنے مسافروں اور عملے کی سلامتی کو یقینی بنانے کے لیے مختلف حفاظتی اقدامات کیے ہیں، تاہم انہوں نے تفصیلات فراہم نہیں کیں۔
کنٹرول لائن پر بھارتی فوج نے سفید جھنڈا لہرا دیا، شکست تسلیم
تائی پے کے باہر واقع تائیوان کے مرکزی بین الاقوامی ہوائی اڈے، تاؤیوان ایئرپورٹ کی ویب سائٹ کے مطابق بدھ کے روز چائنا ایئرلائنز کی لندن جانے والی نان اسٹاپ پرواز منسوخ کر دی گئی ہے۔
روس یوکرین جنگ سے پہلے یورپ جانے والی بیشتر تائیوانی پروازیں روس کی فضائی حدود سے گزرتی تھیں، لیکن اب تائیوان کی جانب سے مغربی پابندیوں میں شمولیت کے بعد روسی فضائی حدود پر پابندی ہے، جس کے باعث یہ پروازیں بھارت، پاکستان اور وسطی ایشیا کے راستے جاتی ہیں۔