کراچی ایئرپورٹ کو فلائٹ آپریشن کے لیے رات 12 بجے تک بند کرنے کا فیصلہ کرلیا گیا، پاکستان ایئر پورٹس اتھارٹی نے نیا نوٹم جاری کردیا۔
تفصیلات کے مطابق پاکستان ایئرپورٹس اتھارٹی (پی اے اے) نے نیا نوٹم جاری کرتے ہوئے کراچی ایئر پورٹ کو فلائٹ آپریشن کے لیے رات 12 بجے تک بند کرنے کا اعلان کردیا۔
نوٹم میں کہا گیا ہے کہ کراچی ایئرپورٹ رات 12 بجے تک فلائٹ آپریشن کے لیے بند رہے گا، اس حوالے سے تمام ایئرلائنز کو آگاہ کردیا گیا ہے۔
دوسری جانب لاہور، اسلام آباد اور سیالکوٹ ایئرپورٹس کو پروزاوں کے لیے کھول دیا گیا ہے۔
ترجمان کے مطابق لاہور کی فضائی حدود کی مکمل بندش سےمتعلق خبریں بے بنیاد ہیں، شہر کی فضائی حدود محفوظ اورپروازوں کے لیے دستیاب ہیں۔
لاہور کی فضائی حدود کو ایک بار پھر بند کر دیا گیا
اس سے قبل یہ خبر آئی تھی کہ پاک بھارت کشیدگی کے پیش نظر لاہور کی فضائی حدود کو ایک بار پھر بند کر دیا گیا۔
آپریشنل وجوہات کے باعث لاہور اور سیالکوٹ ایئرپورٹس کل صبح 6 بجے تک مسافر پروازوں کے لیے دستیاب نہیں ہوں گے۔
ترجمان پاکستان ایئرپورٹس اتھارٹی نے مسافروں کو ہدایت کی ہے کہ وہ اپنی پروازوں سے متعلق معلومات کے لیے متعلقہ ایئرلائنز سے رابطے میں رہیں تاکہ کسی بھی قسم کی پریشانی سے بچا جا سکے۔
پاکستانی فضائی حدود بند ہونے سے بھارتی مسافر در بدر ہوگئے
فضائی حدود کی بندش کی وجوہات فی الحال ظاہر نہیں کی گئیں تاہم یہ اقدام سیکیورٹی یا موسمی حالات کے باعث بھی ہو سکتا ہے۔
پاک بھارت کشیدگی کے باعث آج صبح لاہور، کراچی، سیالکوٹ اور اسلام آباد انٹرنیشنل ایئرپورٹ پر فلائٹ آپریشن عارضی طور پر معطل کردیا گیا تھا۔
واضح رہے کہ بھارت کی جانب سے منگل اور بدھ کی درمیانی شب پاکستان پر حملوں اور پاک فوج کے فوری منہ توڑ جواب دیے جانے کے بعد گزشتہ شب اور آج دن میں بھی بھارت کی جانب سے پاکستانی حدود کی خلاف ورزی کرتے ہوئے ڈرون بھیجے گئے، جنہیں سیکیورٹی فورسز نے مار گرایا۔