رکن خیبرپختونخوا اسمبلی فضل الٰہی نے پیسکو کے گرڈ اسٹیشنز پر دھاوا بول دیا، زبردستی رحمٰن بابا گرڈ اسٹیشن سے تمام فیڈرز آن کرا دیئے.
تفصیلات کے مطابق خیبر پختونخوا میں حکمران جماعت پاکستان تحریک انصاف کے رکن صوبائی اسمبلی فضل الٰہی نے پیسکو کے بیشتر گرڈ اسٹیشنز پر دھاوا بول دیا اور اس دوران رحمان بابا گرڈ اسٹیشن سے زبردستی تمام فیڈرز آن کرا دیئے۔
ترجمان پیسکو کے مطابق زبردستی فیڈرز آن کرانے سے سسٹم اوورلوڈ ہوگیا جس کے باعث رحمان بابا گرڈ ٹسیشن سنے بجلی کی سپلائی بھی معطل ہو کر گئی جس سے بیشتر علاقے تاریکی میں ڈوب گئے ۔
ترجمان پیسکو نے بتایا کہ سینکڑوں مظاہرین نے پشاور سٹی گرڈ اسٹیشن اور پشاور انڈسٹریل گرڈ اسٹیشن کا گھیراو بھی کیا اس دوران مظارین نے پیسکو عملے کودھمکاتے ہوئے زدو کوب بھی کیا ۔
ترجمان کے مطابق زبردستی آن کراے گئے فیڈرز ہائی لاس فیڈرز میں شمار ہوتے ہیں، بجلی چوری کی کثرت اور واجبات کی عدم ادائیگی کے باعث ان فیڈرز پر لوڈ مینجمنٹ کی جاتی ہے۔
پیسکو ترجمان نے مزید بتایا کہ پیسکو انتظامیہ نے پولیس طلب کر لیا اور زبردستی فیڈرز چالو کرانے پر فضل الٰہی کیخلاف قانونی کارروائی کی جا رہی ہے۔