اداکارہ اور کاروباری شخصیت پارول گلآٹی نے کینز فلم فیسٹیول کے ریڈ کارپٹ پر اپنے پہلے قدم کو یادگار بنانے کے لیے ایک ایسا لباس زیب تن کیا جسے دیکھ کر سب حیران رہ گئے۔
یہ لباس عام کپڑے سے نہیں، بلکہ کالے انسانی بالوں کی چوٹیوں سے تیار کیا گیا تھا۔ ایک ایسا جُرات مندانہ فیشن بیان جو اُن کے ہیئر وِگ اور ایکسٹینشن برانڈ ”نِش ہیئر“ کو ایک تخلیقی خراجِ تحسین پیش کرتا ہے۔
ڈائریکٹر کیلئے ہاتھ کی نس کاٹنے والا عرفان خان کا بیٹا فلم سے باہر کردیا گیا
پارول نے 16 مئی کو ہونے والی فلم ’ایڈنگٹن‘ کی اسکریننگ میں یہ اسٹرپ لیس لباس پہنا، جو نہ صرف منفرد انداز کا حامل تھا بلکہ ایک واضح اسٹیٹمنٹ پیس بھی تھا۔
لباس میں ایک گہری سویٹ ہارٹ نیک لائن اور غیر متوازن (ایسمیٹرکل) ہیم لائن تھی، جس میں چوٹیوں کو اس مہارت سے تراشا گیا تھا کہ وہ جسم سے چمٹتی ہوئی ایک باڈی کون سلوئیٹ بناتی تھیں۔ لباس کے نیچے کی طرف یہ چوٹیاں جھالر کی طرح بہتی دکھائی دیں، جس نے پورے لک میں ایک ڈرامائی جمالیات بھر دی۔
ایلون مسک کی کمپنی نے اپنے چیٹ بوٹ ’گروک‘ کی متنازع حرکت کا ملبہ ملازم پر ڈال دیا
اس تخلیقی لباس کا خاکہ پارول گلآٹی کا اپنا تھا، جسے معروف اسٹائلسٹ موہت رائے اور ڈیزائنر ردھی بنسال نے حقیقت کا روپ دیا۔
اس لباس کی تیاری میں 12 ماہر کاریگروں کی ٹیم نے حصہ لیا اور ایک مہینے سے زائد کا وقت صرف ہوا۔ یہ لباس نہ صرف ایک فیشن اظہار تھا بلکہ دستکاری، جدت اور وژن کا بہترین نمونہ بھی تھا۔
نیٹ فلکس کے مقبول شو ”ویڈنزڈے“ کا سیزن 2 کب ریلیز ہوگا؟
پارول نے اپنے انوکھے لباس کو مرکزِ نگاہ بننے دیا۔ انہوں نے زیورات میں صرف چمکدار جھمکے پہنے، گلے میں کوئی ہار نہیں پہنا اور بالوں کو ایک سادہ بن اسٹائل میں باندھ رکھا تھا۔ میک اپ بھی نہایت ہلکا اور قدرتی رکھا گیا تاکہ پورا فوکس لباس پر رہے۔
فیسٹیول میں شرکت سے قبل پارول نے کہا، ”میں اس موقع کو خوشی سے منانا چاہتی تھی، نہ کہ دباؤ میں آ کر۔ میں وہ پہننا چاہتی تھی جو میری شخصیت کو ظاہر کرے۔ ایسا لباس جسے دیکھ کر لوگ کہیں کہ یہ صرف پارول گلآٹی ہی پہن سکتی تھی۔ اسی لیے میں نے اپنے برانڈ کے بالوں کو اس میں شامل کرنے کا فیصلہ کیا۔“
دلچسپ بات یہ ہے کہ عالمی فیشن انڈسٹری میں بھی چوٹیوں سے بنے ملبوسات ایک نیا رجحان بن چکے ہیں۔ Schiaparelli کا چوٹیوں والا نیک ٹائی ڈیزائن، جسے کرن جوہر نے بھی سراہا، اس رجحان کی واضح مثال ہے۔