کراچی سے لاہورجانے والی نجی ایئر لائن کی پرواز کو شدید جھٹکے، تیز آندھی نے پرواز کو شدید متاثر کیا۔ پرواز کئی منٹ تک آندھی کی زد میں رہی، طیارے کو جھٹکے بھی لگے۔ مسافروں کی ڈر کے مارے چیخیں نکل گئیں۔ جہاز لینڈنگ پوزیشن میں آ چکا تھا۔
تفصیلات کے مطابق کراچی سے لاہور جانے والی نجی ایئرلائن کی پرواز تیز آندھی کے باعث شدید متاثر ہوئی، جس کے نتیجے میں طیارے کو کئی منٹ تک جھٹکے لگتے رہے اور مسافروں میں خوف و ہراس پھیل گیا۔
پرواز لینڈنگ پوزیشن میں آچکی تھی کہ اچانک تیز آندھی کی زد میں آ گئی۔ خراب موسم کے باعث طیارے کو مسلسل جھٹکے محسوس ہوئے، جس سے کئی مسافروں کی چیخیں نکل گئیں اور کیبن میں خوفناک صورتحال پیدا ہوگئی۔
پائلٹ نے پیشہ ورانہ مہارت کا مظاہرہ کرتے ہوئے نامناسب موسم پر طیارے کو واپس موڑ لیا۔
خراب موسم کے باعث اے ٹی سی کی طیاروں کو موسمیاتی وارننگ
لاہور ایئرپورٹ پر موسم کی صورتحال بہتر ہوگئی، اے ٹی سی نے پروازوں کی روانگی کی کلیرنس دے دی ہیں۔
پی آئی اے کی پرواز پی کے 767 جدہ کچھ دیر بعد روانگی کے لئے اڑان بھرے گی۔ ابو ظہبی جانے والی نجی ائیر لائن کی پرواز کی روانگی کا بھی اعلان کر دیا گیا۔
شارجہ جانے والی پرواز کو بھی کلیرنس مل گئی۔ دوسرے شہروں میں اترنے والی تمام پروازیں لاہور آنے کے لئے تیار ہیں
کوالالمپور جانے والی نجی ائیرلائن رات 12بجے تک تاخیر کا شکار ہے۔ طوفانی بارش اور آندھی کے باعث فلائٹ آپریشن جزوی متاثر ہوا تھا۔