تربیلا ڈیم ڈیڈ لیول پر پہنچ گیا، منگلا ڈیم بھی ڈیڈ لیول کے قریب

ملک میں آبی ذخائر کے حوالے سے خطرے کی گھنٹی بج گئی، تربیلا ڈیم ڈیڈ لیول پر پہنچ گیا۔ منگلا ڈیم بھی ڈیڈ لیول کے قریب ہے۔

ترجمان واپڈا کا کہنا ہے کہ تربیلا ڈیم میں پانی کی سطح ڈیڈ لیول پر پہنچ گئی، منگلا ڈیم بھی ڈیڈ لیول کے قریب ہے، تربیلا کا کم از کم آپریٹنگ لیول 1402 فٹ ہے۔

ترجمان واپڈا کے مطابق پانی کے موجودہ ذخیرہ کی سطح 1402.09 فٹ ہے، ذرائع واپڈا کے مطابق تربیلا ڈیم میں پانی کا قابل استعمال ذخیرہ ختم ہو گیا۔

ترجمان واپڈا کا کہنا ہے کہ منگلا ڈیم کا کم از کم آپریٹنگ لیول 1050 فٹ ہے، منگلا ڈیم میں پانی کی موجودہ سطح 1054.00 فٹ ہے۔

آبی ذخائر میں تشویشناک صورتحال ، تربیلہ میں پانی کی سطح ڈیڈ لیول تک گر گئی

ترجمان واپڈا کے مطابق منگلا ڈیم میں قابل استعمال ذخیرہ صرف0.077 ملین ایکڑ فٹ رہ گیا۔ چشمہ بیراج میں بھی پانی کا ذخیرہ انتہائی کم رہ گیا ہے۔ چشمہ بیراج کا کم از کم آپریٹنگ لیول 638.15 فٹ ہے۔

ترجمان کا کہنا ہے کہ چشمہ جھیل میں پانی کی موجودہ سطح 638.70 فٹ ہے، چشمہ میں قابل استعمال ذخیرہ صرف 0.009 ملین ایکڑ فٹ رہ گیا ہے۔