اکثر مسافروں کو ہوائی سفر کے دوران آرام دہ پوزیشن کی تلاش ہوتی ہے، اور اس کے لیے سیٹ کو پیچھے جھکانا ایک عام عمل ہے۔ لیکن کیا ہر وقت ایسا کرنا درست ہوتا ہے؟
اس سوال پر ماہرین نے اہم نکات پیش کیے ہیں جو نہ صرف حفاظت بلکہ شائستگی کے اصولوں پر بھی روشنی ڈالتے ہیں۔
جعلی فلائٹ اٹینڈنٹ کا انوکھا فراڈ: 120 مفت پروازوں کا انکشاف، نظامِ سیکیورٹی پر سوالیہ نشان
ماہرین کے مطابق، جب جہاز معمول کے مطابق پرواز کر رہا ہو یا ٹیک آف کے بعد مستحکم بلندی پر ہو اور کسی قسم کی ہچکولے یا جھٹکے نہ ہوں، تو سیٹ کو پیچھے جھکانا محفوظ سمجھا جاتا ہے۔ بس اس بات کا دھیان رکھیں کہ سیٹ بیلٹ کا اشارہ بند ہو اور ہنگامی صورتحال کا خدشہ نہ ہو۔
تاہم، حفاظت کے پہلو کے ساتھ ساتھ شائستگی بھی ایک اہم معاملہ ہے۔
جدید طیاروں میں ٹانگوں کے لیے جگہ بہت محدود ہوتی ہے، اس لیے سیٹ پیچھے کرنے سے پہلے پیچھے بیٹھے مسافر سے اجازت لینا بہتر ہوتا ہے۔ یہ ایک بنیادی تہذیب ہے جو سب کو اپنانی چاہیے۔
جہاز، ٹرین، کار اور بس کی سب سے محفوظ سیٹس کونسی؟ سفر سے پہلے ضرور جان لیں
ماہرین کا مشورہ ہے کہ سیٹ پیچھے جھکانے سے پہلے پیچھے والے مسافر کو آگاہ کر دیں تاکہ وہ تیار ہو سکے۔
ممکن ہے وہ آپ کو منع نہ کریں، لیکن اچانک اور تیزی سے جھکانا کسی کے لیے تکلیف دہ یا خطرناک ہو سکتا ہے، خاص طور پر اگر وہ کھانے یا لیپ ٹاپ کے ساتھ مصروف ہوں۔ اس لیے آہستگی اور نرمی سے سیٹ کو پیچھے کریں۔
اگرچہ چھوٹی دورانیے کی پروازوں میں سیدھے بیٹھنا زیادہ موزوں ہوتا ہے، لیکن طویل یا رات کی پروازوں میں آرام کے لیے سیٹ جھکانا عام طور پر قابل قبول سمجھا جاتا ہے۔ بشرطیکہ آپ دوسرے مسافروں کی سہولت کا خیال رکھیں۔
آن لائن پیمنٹ یا بینکنگ اب مزید خطرے میں! ہیکرز گوگل کا لنک استعمال کرنے لگے
ہوائی جہاز میں سفر کے دوران سیٹ پیچھے جھکانا آرام دہ ضرور ہے، لیکن یہ فیصلہ کرتے وقت حفاظت، شائستگی اور دوسرے مسافروں کی سہولت کو ضرور مدنظر رکھیں۔ آداب کے ساتھ کیا گیا ہر عمل سفر کو خوشگوار بنا سکتا ہے۔
کھانے کے وقت سیٹ پیچھے جھکانا کیوں مناسب نہیں؟
ہوائی جہاز میں آرام دہ سفر ہر مسافر کی خواہش ہوتی ہے اور اکثر لوگ دورانِ پرواز سیٹ کو پیچھے جھکا کر آرام حاصل کرنے کی کوشش کرتے ہیں۔
لیکن کچھ مواقع ایسے ہوتے ہیں جب سیٹ جھکانا نہ صرف غیر مناسب بلکہ دوسروں کے لیے تکلیف دہ بھی ثابت ہو سکتا ہے خصوصاً کھانے کے وقت۔
ماہرین کے مطابق، کھانے کے اوقات میں سیٹ کو پیچھے جھکانا پچھلی قطار میں بیٹھے مسافر کے لیے شدید پریشانی کا باعث بن سکتا ہے۔
اگر اگلی سیٹ جھکائی گئی ہو تو پچھلے مسافر کے لیے اپنی ٹرے استعمال کرنا یا کھانے کا لطف لینا دشوار ہو جاتا ہے،
ایئر لائنز نے اس بات کو مدنظر رکھتے ہوئے کیبن کریو کو ہدایت دی ہوتی ہے کہ وہ کھانے سے قبل مسافروں کو نرمی سے آگاہ کریں کہ وہ اپنی سیٹ سیدھی حالت میں لے آئیں تاکہ نہ صرف خود آرام دہ کھانا کھا سکیں بلکہ دوسرے مسافروں کو بھی آسانی ہو۔
یہ عمل صرف تہذیب کا تقاضا نہیں بلکہ ایک منظم سفری ماحول قائم رکھنے کے لیے بھی ضروری ہے۔
اکثر اوقات مسافر انجانے میں سیٹ جھکا دیتے ہیں، لیکن بہتر یہ ہے کہ کھانے سے پہلے اپنی سیٹ سیدھی رکھیں اور دیگر مسافروں کے لیے بھی سہولت پیدا کریں۔ یہ چھوٹا سا عمل سفر کے دوران باہمی احترام اور ہم آہنگی کو فروغ دیتا ہے۔
ہوائی سفر کے دوران صرف اپنی سہولت کے بجائے دوسروں کے آرام کو بھی مدنظر رکھنا نہایت اہم ہے۔ چاہے وہ سیٹ جھکانا ہو یا کھانے کے وقت اپنی پوزیشن درست رکھنا، چھوٹی چھوٹی باتیں اجتماعی تجربے کو خوشگوار بنا سکتی ہیں۔