وزن کم کرنے اور شوگر کے علاج کے لیے استعمال ہونے والے انجیکشنز نے حالیہ برسوں میں بڑی مقبولیت حاصل کی ہے، لیکن ان کے استعمال کے بعد متعدد سنگین جسمانی مسائل کی رپورٹیں سامنے آئی ہیں۔ سینکڑوں افراد نے ان انجیکشنز کے مضر اثرات کی شکایت کی ہے، جن میں لبلبے کی سوزش جیسے مسائل شامل ہیں۔ افسوسناک طور پر، ان مسائل کے نتیجے میں کافی افراد کی ہلاکت بھی ہو چکی ہے۔
حال ہی میں وزن کم کرنے اور ذیابیطس کے علاج کے لیے استعمال ہونے والے انجیکشنز کے بارے میں سنگین معلومات سامنے آئی ہیں۔ سینکڑوں افراد نے ان انجیکشنز کے استعمال کے بعد جسمانی مسائل کی شکایات کی ہیں، جن میں لبلبے کی سوزش (پینکریایٹائٹس) جیسے مسائل شامل ہیں۔ اس کے نتیجے میں 10 افراد کی ہلاکت بھی ہو چکی ہے۔
چہل قدمی کا جاپانی طریقہ، جو وزن گھٹانے کیلئے دوڑنے سے بھی بہتر ہے
برطانیہ کی میڈیسن اینڈ ہیلتھ کیئر پروڈکٹس ریگولیٹری ایجنسی کی رپورٹ کے مطابق، GLP-1 کلاس کی ادویات کے استعمال سے لبلبے کی سوزش کی سینکڑوں شکایات موصول ہوئی ہیں، جن میں سے کچھ کیسز میں موت کی خبریں بھی آئی ہیں۔
جی ایل پی 1 ادویات ایک خاص قسم کی دوائیں ہیں جو عام طور پر ذیابیطس (خصوصاً ٹائپ 2 ذیابیطس) کے علاج کے لیے اور کبھی کبھار وزن کم کرنے کے لیے استعمال کی جاتی ہیں۔ جی ایل پی 1 کا مطلب ہے گلوکاگون لائیک پیپٹائڈ 1، جو ایک قدرتی ہارمون ہے جو ہمارے جسم میں خون میں شوگر کی سطح کو کنٹرول کرنے میں مدد دیتا ہے۔
مضر اثرات کی تفصیلات
- Tirzepatide 181 کیسز، پانچ اموات
- Liraglutide 116 کیسز، ایک موت
- Semaglutide 113 کیسز، ایک موت
- Exenatide 101 کیسز، تین اموات
- Dulaglutide 52 کیسز، کوئی موت نہیں
- Lixisenatide 11 کیسز، کوئی موت نہیں
اگرچہ یہ کیسز مکمل طور پر ان انجیکشنز سے جڑے ہوئے نہیں ہیں، مگر کئی مریضوں کا خیال ہے کہ ان ادویات کے استعمال کے دوران ان مسائل کا سامنا ہوا۔
ایم ایچ آر اے اور جینیومکس انگلینڈ نے اس مسئلے کی تحقیقات کے لیے ’یلو کارڈ بایو بنک‘ منصوبہ شروع کیا ہے۔ اس منصوبے کا مقصد یہ جانچنا ہے کہ آیا جینیاتی عوامل کی بنا پر کچھ افراد کو ان ادویات سے زیادہ مسائل ہو سکتے ہیں۔
جاپانی ’سلم اینڈ اسمارٹ‘ رہنے کے لیے کون سی غذائیں کھاتے ہیں؟
مریضوں سے درخواست کی گئی ہے کہ وہ اپنے تجربات کو رپورٹ کریں، خاص طور پر اگر انہیں لبلبے کی سوزش کی شکایت ہو اور وہ ہسپتال میں داخل ہوئے ہوں۔
جی ایل پی 1 ادویات اور ان کے فوائد
جی پی ایل 1 ادویات وزن کم کرنے اور ذیابیطس کے مریضوں کے لیے معاون ثابت ہو رہی ہیں، لیکن ان کے ساتھ کچھ مضر اثرات بھی جڑے ہیں، جیسے نزلہ، قبض، اور دست۔
یہ انجیکشنز تقریباً 1.5 ملین افراد کی طرف سے وزن کم کرنے کے لیے استعمال ہو رہے ہیں، اور حکام کا کہنا ہے کہ یہ موٹاپے کے خلاف ایک اہم قدم ہو سکتے ہیں۔ تاہم، ان ادویات کے ساتھ انفرادی خطرات اور مضر اثرات کو نظرانداز نہیں کیا جا سکتا۔
یہ تحقیقات اس بات کو سمجھنے میں مدد دیں گی کہ ان انجیکشنز کے ساتھ کون سے مضر اثرات زیادہ ممکن ہیں اور کون سے افراد زیادہ خطرے میں ہیں۔ مریضوں کو ہدایت دی گئی ہے کہ وہ ان ادویات کے استعمال سے متعلق کسی بھی منفی ردعمل کی رپورٹ ’ایم ایچ آر اے‘ کی ’یلو کارڈ‘ اسکیم میں دیں تاکہ مزید تحقیقات کی جا سکیں۔