ممبئی میں آنے والے طوفان نے بالی وڈ کے سپر اسٹار سلمان خان کی بہن ارپیتا خان کے گھر کو متاثر کیا۔
ارپیتا خان وہ خوش نصیب لڑکی ہیں جنہیں سلمان خان نے اپنی بہن بنا لیا، حالانکہ وہ ایک امیر خاندان میں پیدا نہیں ہوئی تھیں بلکہ سلمان خان کے خاندان نے ارپیتا کو گود لے کر ان کی زندگی بدل دی۔ یہ خاندان اپنی سخاوت اور مہمان نوازی کے لیے مشہور ہے۔
سلمان خان کی بہن ارپیتا کو کیوں گود لیا گیا؟
ارپیتا خان نے آیوش شرما سے محبت کی اور 2014 میں دونوں نے شادی کر لی۔ سلمان خان نے انہیں شادی کا شاندار تحفہ دیتے ہوئے ممبئی میں ایک پُرتعیش گھر گفٹ کیا تھا۔ اس گھر میں ارپیتا اور آیوش نے اپنی پسند سے سجاوٹ کی اور اب زیادہ تر خاندان کی تقریبات یہاں ہی منعقد ہوتی ہیں۔
حال ہی میں،ارپیتا کے شوہر آیوش شرما نے انسٹاگرام پر ایک ویڈیو شیئر کی جس میں انہوں نے بتایا کہ ممبئی میں طوفانی ہوائیں چل رہی ہیں اور ان کا گھر اس کی زد میں آ چکا ہے۔
سلمان خان کی زندگی میں آنے والی خواتین کی فہرست
ویڈیو میں آیوش نے بتایا کہ ارپیتا نے اپنے مصنوعی پودوں کو بچانے کے لیے کچھ تدابیر اپنائیں لیکن وہ ناکام ہو گئیں اور پودے کرسیوں پر گر گئے۔
ویڈیو میں مزاحیہ انداز میں آیوش نے اپنی بیٹی سے سوال کیا کہ وہ کیا کہے گی، جس پر بچی نے جواب دیا کہ ”ہمیں یہاں سے بھاگ جانا چاہیے!“
آخر میں آیوش نے بتایا کہ ارپیتا کی کوششوں کے باوجود پودوں کے پتے ٹوٹ گئے، مگر خوش قسمتی سے گھر کو زیادہ نقصان نہیں پہنچا۔