بالغوں میں مہاسے اور بڑھتے ہوئے مسائل، آپ کی جلد کیا کہہ رہی ہے؟

مہاسے عموماً نوجوانوں کے دورکا ایک عارضی مسئلہ سمجھا جاتا ہے، لیکن پچھلے دس سالوں میں بالغوں میں بھی یہ مسئلہ بڑھ رہا ہے۔ اب یہ صرف نوجوانوں تک محدود نہیں رہا، اور بالغ افراد کے لیے یہ مسئلہ زیادہ پیچیدہ اور مستقل بن چکا ہے۔

ماہرین جلد کہتے ہیں کہ بالغوں کے مہاسے نوجوانوں کے مہاسوں سے مختلف ہوتے ہیں اور ان کا علاج بھی الگ طریقے سے کرنا پڑتا ہے۔ بالغوں کے مہاسوں کی وجوہات زیادہ پیچیدہ اور گہری ہوتی ہیں۔

چہرے سے جھریاں دور کرنے کیلئے یہ طریقے آزمائیں

خواتین میں ہارمونل مسائل

خواتین میں بالغوں کے مہاسوں کا سب سے عام سبب ہارمونز کا عدم توازن ہے۔ پولی سسٹک اووری سنڈروم (PCOS) اور تھائیرائیڈ کی خرابی جیسے مسائل اکثر مہاسوں کا سبب بنتے ہیں۔

ہارمونز میں تبدیلی خاص طور پر ٹھوڑی اور گردن کے حصے میں مہاسوں کو بڑھا دیتی ہے، جو گہرے اور سوزش والے ہو جاتے ہیں اور اکثر ان کے ساتھ داغ بھی پڑ جاتے ہیں۔

جلد کی دیکھ بھال میں یہ دیسی سبزیاں کبھی استعمال نہ کریں

مردوں میں مہاسوں کی وجوہات

مردوں میں بالغوں کے مہاسے اکثر میٹابولک مسائل کی وجہ سے ہوتے ہیں، جنہیں اکثر نظر انداز کیا جاتا ہے۔ جیسے انسولین کی مزاحمت، ٹائپ 2 ذیابیطس اور PCOS جیسے مسائل۔ اس کے علاوہ، تمباکو نوشی، شراب نوشی اور غیر فعال طرز زندگی جیسے عوامل بھی اس مسئلے کو بڑھا دیتے ہیں۔

بالوں کی جلد کا اثر

بالوں کی جلد کی صحت بھی بالغوں میں مہاسوں کا ایک اہم سبب ہو سکتی ہے۔ جو مریض ماتھے اور بالوں کی لکیر پر مہاسوں کا سامنا کرتے ہیں، وہ اکثر چکنی، خارش زدہ یا خشک بالوں کی جلد کی شکایت بھی کرتے ہیں۔ یہ حالات جلد پر مہاسوں کو مزید بڑھا سکتی ہیں، اس لیے بالوں کی جلد کا علاج بھی ضروری ہوتا ہے۔

املی جلد کی قدرتی چمک برقرار رکھنے میں مددگار، اسے ان 4 طریقوں سے استعمال کریں

بالغوں میں مہاسوں کا علاج ایک طریقے سے نہیں ہو سکتا۔ ان کے علاج کا طریقہ ایک مکمل اور ذاتی علاج پر مبنی ہوتا ہے، جس میں شامل ہیں، ہارمونز کی جانچ، طرز زندگی کا جائزہ، بالوں کی جلد اور آنتوں کی صحت کا تجزیہ وغیرہ۔

صرف دوائیں یا کریمیں لگانے سے کام نہیں چلتا۔ مہاسے جسم کے اندرونی مسائل کی وجہ سے ہوتے ہیں، اس لیے ان کا علاج پورے جسم کی حالت کو دیکھ کر کیا جانا چاہیے۔

آپ کی جلد آپ کی اندرونی صحت کی عکاسی کرتی ہے۔ نیند، تناؤ، پانی کی کمی، ورزش اور خوراک سب آپ کی جلد پر اثر ڈالتے ہیں۔ بالغوں کے مہاسے عمر کے ساتھ خود بخود ختم نہیں ہوتے، مگر صحیح علاج اور طرز زندگی میں تبدیلی کے ذریعے آپ صاف اور صحت مند جلد حاصل کر سکتے ہیں۔