کراچی کے علاقے لیاری میں پانچ منزلہ عمارت گرنے کے افسوسناک واقعے کے بعد چیف سیکریٹری سندھ نے واقعے کی وجوہات جاننے اور مستقبل میں ایسے حادثات کی روک تھام کے لیے پانچ رکنی تحقیقاتی کمیٹی تشکیل دے دی ہے۔
کراچی کے علاقے لیاری میں عمارت گرنے کے کیا اسباب تھے؟ عمارت خالی کرنے کے نوٹس کب جاری ہوئے؟ عمارت خالی کیوں نہیں کی گئی؟ چیف سیکریٹری سندھ نے پانچ رکنی کمیٹی تشکیل دے دی۔
جاری کردہ نوٹیفکیشن کے مطابق، کمیٹی کا مقصد عمارت گرنے کی وجوہات کا تعین، ذمہ دار عناصر کی نشاندہی اور مستقبل میں ایسے حادثات سے بچاؤ کے لیے سفارشات مرتب کرنا ہے۔
لیاری سانحہ: گورنر سندھ کا متاثرین کیلئے 80 گز کے پلاٹس اور روزگار کا اعلان
کمشنر کراچی حسن نقوی کو کمیٹی کا چیئرمین مقرر کیا گیا ہے جبکہ دیگر اراکین میں اسپیشل سیکریٹری لوکل گورنمنٹ عائشہ حمید، سندھ بلڈنگ کنٹرول اتھارٹی (SBCA) کے ڈائریکٹر کمپلینٹس اینڈ ڈینجرس بلڈنگز آصف ندیم احمد، ڈپٹی ڈائریکٹر ایس بی سی اے آصف علی لانگا اور دیگر متعلقہ افسران شامل ہیں۔
کمیٹی کو ہدایت دی گئی ہے کہ وہ 48 گھنٹوں کے اندر اپنی ابتدائی رپورٹ جمع کرائے۔