چیف جسٹس آف پاکستان جسٹس یحییٰ آفریدی بطور چیف جسٹس اپنے پہلے دورے پر کوئٹہ پہنچ گئے، عدالت عالیہ میں مختلف اہم مقدمات کی سماعت جاری ہے۔
چیف جسٹس آف پاکستان جسٹس یحییٰ آفریدی کوئٹہ پہنچ گئے، یحییٰ آفریدی چیف جسٹس بننے کے بعد پہلی مرتبہ کوئٹہ کا دورہ کررہے ہیں، دورے کے موقع پر سیکیورٹی کے سخت ترین انتظامات کیے گئے، سپریم کورٹ کوئٹہ رجسٹری آمد پر ان کا استقبال کیا گیا۔
چیف جسٹس یحییٰ آفریدی کی سربراہی میں سپریم کورٹ کے 2 بینچ کوئٹہ رجسٹری میں مختلف نوعیت کے کیسز کی سماعت کر رہے ہیں۔
بینچ نمبر ایک میں چیف جسٹس یحییٰ آفریدی اور جسٹس شکیل احمد شامل ہیں جبکہ بینچ نمبر 2 جسٹس جمال خان مندوخیل اور جسٹس مسرت ہلالی پر مشتمل ہے۔
چیف جسٹس کے اس دورے کو عدالتی نظام کی بہتری اور بلوچستان میں زیر التواء مقدمات کی مؤثر سماعت کے لیے اہم قرار دیا جا رہا ہے۔