پولیس نے حمیرا اصغر کی موت سے متعلق تحقیقات کا دائرہ وسیع کردیا ۔ خصوصی ٹیم 63 لوگوں سے پوچھ گچھ کرے گی ، پولیس کے مطابق 5 افراد کے بیانات ریکارڈ کر لیے گئے ہیں۔
پولیس نے حمیرا اصغر کی موت کے معاملے کی تحقیقات کا دائرہ وسیع کر دیا ہے۔ خصوصی ٹیم 63 افراد سے پوچھ گچھ کرے گی، جبکہ 5 افراد کے بیانات بھی ریکارڈ کر لیے گئے ہیں۔
پولیس حکام کا کہنا ہے کہ حمیرا مالی بحران کا شکار تھیں اور قریبی لوگوں سے مدد کی درخواست کی تھی۔ 7 اکتوبر کو حمیرا نے واٹس ایپ پر 10 افراد کو ”ہیلو“ کے پیغامات بھیجے اور کہا تھا کہ ”میں تم سے بات کرنا چاہتی ہوں“، مگر کسی نے جواب نہیں دیا۔
حمیرا اصغر کی موت حادثہ یا سازش، پوسٹ مارٹم اور فرانزک سیمپلز کی جانچ
پولیس نے مزید کہا کہ موت کے وقت حمیرا نائٹ سوٹ میں تھیں اور کمرے میں بھگوئے کپڑے، خشک ٹب اور پھٹے ہوئے کپڑے ملے ہیں۔ ان کے کمرے سے استعمال شدہ سگریٹ کا پیکٹ اور فلٹر بھی برآمد ہوا، تاہم وہاں کوئی دوا نہیں ملی۔
پولیس کا کہنا ہے کہ حمیرا نے آخری بار 10 اکتوبر کو واٹس ایپ پر پیغام پڑھا تھا۔ ان کی موت کے وقت ان کے ہاتھ سینے سے چمٹے ہوئے تھے۔ پولیس حکام نے بتایا کہ حمیرا اصغر نے اپنی ملازمہ کو بھی ہٹا دیا تھا۔ مزید تحقیقات جاری ہیں۔