سپریم کورٹ آف پاکستان کی ٹیکنیکل ٹیم سرکاری دورے پر ترکی پہنچ گئی، جس کا اعلامیہ جاری کردیا گیا۔
سپریم کورٹ کے جاری اعلامیے کے مطابق وفد آئینی عدالت ترکی کے ایک ہفتے کے سرکاری دورے پر انقرہ پہنچا، دورہ چیف جسٹس کے عوام دوست عدالتی وژن کا حصہ ہے، وفد میں سپریم کورٹ، ایف جے اے اور لاء کمیشن کے افسران شامل ہیں۔
اعلامیے میں بتایا گیا کہ وفد میں ڈائریکٹر جنرل ایف جے اے، سیکرٹری لاء کمیشن، ڈپٹی رجسٹرار جوڈیشل اور سینئر ڈپٹی ڈائریکٹر سافٹ ویئر بھی بھی شامل ہیں، دورے کا مقصد عدالتی کارکردگی، کیس مینجمنٹ کا مطالعہ ہے۔
اسی طرح وفد ٹیکنالوجی اورآرٹ فیشل انٹیلی جنس (اے آئی) کے عدالتی استعمال کا جائزہ لے گا، انہیں آئینی عدالت ترکی میں ڈیجیٹل نظام پر بریفنگ دی جائے گی اور وفد کورٹ آف کسّیشن، ترک بار ایسوسی ایشنز سے بھی ملاقات کرے گا۔
سپریم کورٹ کے اعلامیہ میں مزید یہ بھی بتایا گیا کہ وفد ترک جسٹس اکیڈمی اور وزارت انصاف کا آئی ٹی ڈائریکٹوریٹ کا بھی دورہ کرے گا، دورہ عدالتی اصلاحات اور عالمی تعاون کے عزم کی عکاسی کرتا ہے، پاکستان میں عدالتی نظام میں جدید طریقے اپنانے کی بنیاد رکھی جائے گی، دورہ پاکستان ترکی عدالتی تعاون کو مستحکم بنانے کا ذریعہ بنے گا۔