پاکستان مسلم لیگ (ن) پنجاب کی پارلیمانی پارٹی کے اجلاس میں وزیر اعلیٰ پنجاب مریم نواز نے اراکین پنجاب اسمبلی کو سینیٹ انتخابات میں حاضری یقینی بنانے کی ہدایت کر دی۔
وزیر اعلی پنجاب مریم نواز کی زیر صدارت مسلم لیگ (ن) پنجاب کی پارلیمانی پارٹی کا اجلاس ہوا، اجلاس میں مریم نواز کو سینیٹ انتخابات کے حوالے سے بریفنگ دی گئی۔
وزیراعلیٰ پنجاب نے اراکین اسمبلی کو سینیٹ انتخابات میں حاضری یقینی بنانے کی ہدایت کردی۔ اجلاس میں وزراء اور اراکین اسمبلی نے شرکت کی جبکہ تمام اراکین کے اعزاز میں پارٹی کی جانب سے عشائیہ بھی دیا گیا
وزیراعلیٰ پنجاب کا اسکول اور موبائل لائبریری آن ویل شروع کرنے کا فیصلہ
وزیراعلیٰ پنجاب مریم نواز شریف نے فروغ تعلیم کے لیے صوبے میں ’’اسکول آن ویل، موبائل لائبریری آن ویل، موبائل لائبریری‘‘ شروع کرنے کا فیصلہ کر لیا۔
اسکول آن ویل دوردراز اور دشوار گزار علاقوں میں بچوں کو زیور تعلیم سے آراستہ کرے گا۔ اسکول آن ویل الیکٹرک رکشے میں بنایا جائے گا، جس کی چھت پر سولر پینل لگائے جائیں گے۔
اسکول آن ویل میں موجود ٹیچر کسی گلی محلے یا بستی میں چھتری نما سائبان کے نیچے فولڈنگ کرسیاں لگائیں گے۔ اسکول آن ویل میں پڑھنے والے بچوں کو کتابیں بھی مہیا کی جائیں گی۔
اسی طرح، اسکول آن ویل میں ننھے بچوں کی دلچسپی کے لیے پینٹنگ کا سامان بھی موجود ہوگا جبکہ چھوٹے بچوں کی دلچسپی کیلئے مختلف ایجوکیشنل ٹوائزبھی رکھے جائیں گے۔
وزیراعلیٰ پنجاب مریم نواز شریف نے اسکول آن ویل کی اصولی منظوری دے دی۔ اسکول ایجوکیشن ڈیپارٹمنٹ بچوں کے لیے لائبریری آن ویل پراجیکٹ بھی شر وع کرے گا۔
لائبریری آن ویل مختلف علاقوں میں جا کر بچوں کو کتابیں پڑھنے کے مواقع فراہم کرے گی جس کے ذریعے بچوں کو نصاب کے علاوہ دیگر کتابیں بھی مہیا کی جائیں گی۔ لائبریری آن ویل کارٹون سے مزین منی وین میں قائم کی جائیں گی جبکہ لائبریری آن ویل کو کسی بھی میدان، گراؤنڈ یا کھلی جگہ پر اسٹیشن کیا جا سکے گا۔
وزیراعلیٰ پنجاب مریم نواز شریف کے ’’پڑھو گے تو بڑھو‘‘ کے ویژن کے مطابق موبائل لائبریری پراجیکٹ بھی شروع کیا جائے گا۔
جدید ترین بس کے اندر قائم موبائل لائبریری میں بچوں کے بیٹھنے کے لیے چیئر اور ٹیبل بھی میسر ہوں گی۔ موبائل لائبریری میں اردو، انگلش اور سائنس کی کتابوں کے علاوہ میگزین بھی رکھے جائیں گے۔
صوبائی وزیر تعلیم رانا سکندر حیات نے اسکول آن ویل، لائبریری آن ویل اور دیگر منصوبوں کے بارے میں تفصیلی بریفنگ دی۔