بنگلادیش ائیرفورس کا تربیتی طیارہ گر کر تباہ ہوگیا جس کے نتیجے میں ایک شخص ہلاک جبکہ 4 افراد کے زخمی ہونے کی اطلاع سامنے آئی ہے۔
رپورٹ کے مطابق طیارہ اچانک ڈھاکا میں کالج کیمپس کی عمارت کے قریب توازن کھو بیٹھا اور حادثے کا شکار ہوا۔ یہ واقعہ ڈھاکہ کے شمالی علاقے اُتّرا میں پیش آیا۔
بنگلادیشی فضائیہ کے شعبہ تعلقاتِ عامہ نے ایک بیان میں اس واقعے کی تصدیق کرتے یوئے کہا کہ بنگلہ دیش ایئر فورس کا F-7 BGI تربیتی طیارہ اُتّرا میں گر کر تباہ ہوا۔ یہ طیارہ دوپہر ایک بج کر 6 منٹ پر روانہ ہوا تھا۔
لاس اینجلس: ڈیلٹا ایئرلائنز کے طیارے میں آگ بھڑک اٹھی، ویڈیو وائرل
مختلف ویڈیوز میں دکھایا گیا کہ کالج کے لان کے قریب ایک بڑی آگ لگی ہوئی دکھائی گئی، جہاں سے دھوئیں کے سیاہ بادل اٹھتے دکھائی دیے۔
مقامی اخبار پروتھوم آلو کے مطابق، طیارہ حادثے میں کم از کم چار افراد زخمی ہوئے جنہیں علاقے کے ایک فوجی اسپتال منتقل کیا گیا۔
لاہور اور فیصل آباد میں دو جہاز حادثے سے بال بال بچ گئے، پروازیں منسوخ
بنگلادیشی میڈیا کے مطابق حادثے کے فوری بعد ریسکیو آپریشن کا آغاز کر دیا گیا، فائر بریگڈ اہلکار آگ بجھانے میں مصروف ہیں۔