کراچی کے علاقے قائد آباد گرین سٹی کے قریب راہگیروں کو بچانے کے دوران کار بے قابو ہو گئی پیچھے سے آنے والی ریڈ بس اور چنگچی رکشے کی ٹکر سے ایک بچہ جاں بحق اور 10 افراد زخمی ہوگئے۔
ریسکیو حکام کے مطابق حادثہ اُس وقت پیش آیا جب ایک تیز رفتار کار راہ گیر کو بچاتے ہوئے فٹ پاتھ سے ٹکرا گئی۔ اسی دوران پیچھے سے آنے والی پیپلز ریڈ بس کار میں جا گھسی جس کے بعد چنگچی رکشہ بس سے ٹکرا گیا۔
کراچی: عید کی خریداری کیلئے جانے والے موٹرسائیکل سوار میاں بیوی کار کی ٹکر سے جاں بحق
ریسکیو ذرائع کے مطابق عقیل کے حادثے میں جاں بحق بچہ 5 سالہ عقیل، چنگچی رکشے میں سوار تھا جبکہ اس کے چار بہن بھائی بھی رکشے میں موجود تھے وہ بھی حادثے میں زخمی ہوئے۔
زرائع کے مطابق چنگچی میں مجموعی طور پر 7 بچے سوار تھے جن میں 3 بچیاں اور 4 لڑکے شامل تھے۔ تمام زخمیوں اور متوفی بچے کی لاش کو فوری طور پر قریبی اسپتال منتقل کر دیا گیا ہے۔