نواب شاہ کی تحصیل قاضی احمد کے علاقے میں ایک ایل پی جی شاپ پر گاڑی میں گیس فلنگ کے دوران اچانک آگ بھڑک اٹھی جس کے باعث کئی سلنڈر دھماکوں کے ساتھ پھٹ گئے اور آگ نے دوکان کو لپیٹ میں لے لیا۔
ریسکیو ذرائع کے مطابق موقع پر فائر بریگیڈ اور امدادی ٹیمیں پہنچ گئیں اورآگ پر قابو پانے کے لیے بھرپور کوششیں جاری ہیں تاکہ مزید نقصان سے بچا جا سکے۔
وزیرآباد میں سلنڈر دھماکہ اور ٹینکی پھٹنے کے واقعات میں مزید تین زخمی چل بسے
کراچی: لیاری میں سلنڈر دھماکا، خواتین سمیت 7 افراد جھلس کر زخمی
ابتدائی اطلاعات کے مطابق آگ لگنے کے پیچھے فلنگ کے دوران حفاظتی اقدامات میں کوتاہی کا امکان ظاہر کیا جا رہا ہے۔
حکام کا کہنا ہے کہ واقعہ کی مزید تحقیقات کی جا رہی ہیں اور متاثرین کو ہر ممکن مدد فراہم کی جائے گی۔ اس حادثے میں انسانی جانوں کے نقصان کی فوری اطلاع نہیں ملی، تاہم آگ کے پھیلنے سے قریبی علاقے کے مکینوں میں خوف پایا جاتا ہے۔