پاکستان تحریک انصاف (پی ٹی آئی) کی جانب سے 5 اگست کو بڑے احتجاج یا جلسے کی اجازت نہ ملنے پر حلقوں میں احتجاج کی منصوبہ بندی کرلی گئی، اس حوالے سے آج نیوز پی ٹی آئی کے احتجاجی کال کا پلان بی سامنے لے آیا۔
تفصیلات کے مطابق پاکستان تحریک انصاف کی جانب سے بڑے احتجاج یا جلسے کی اجازت نہ ملنے پر حلقوں میں احتجاج کی منصوبہ بندی کی جا رہی ہے، اس حوالے سے آج نیوز نے احتجاج کے لیے متبادل پلان کی تفصیلات حاصل کرلیں۔
پارٹی ذرائع کے مطابق پنجاب حکومت کی جانب سے تحریک انصاف کو مینار پاکستان پر جلسے کی اجازت ملنے کا امکان نہیں ہے، جس پر پی ٹی آئی 5 اگست کو پنجاب کے ہر حلقے میں احتجاج کرے گی اور تمام حلقوں میں احتجاج کی فوٹیج قیادت کو بھیجی جائے گی جبکہ 5 اگست کے بعد بڑے شہروں میں احتجاج کی کال دی جائے گی۔
احتجاجی تحریک کے حوالے سے ڈویژنل تنظیم اور ٹکٹ ہولڈرز کو ہدایت جاری کر دی گئیں جبکہ 5 اگست سے قبل یوسی سطح پر تنظیم سازی مکمل کرکے قیادت کو رپورٹ کی ہدایت بھی کر دی گئی، احتجاج نہ کرنے والے عہدداروں کے خلاف باقاعدہ کارروائی کی جائے گی۔