خیبر پختونخوا کے ضلع سینٹرل کُرم سپرکٹ میں کوئلہ کان پر فریقین میں فائرنگ کے تبادلے میں 2 افراد جاں بحق اور ایک زخمی ہو گیا۔
خیبر پختونخوا کے ضلع کُرم کے علاقہ سپرکٹ میں کوئلہ کان پر دو فریقین کے درمیان فائرنگ کا واقعے پیش آیا ہے، جس کے نتیجے میں 2 افراد جاں بحق اور ایک زخمی ہو گیا۔
پولیس ذرائع کے مطابق جاں بحق افراد کی شناخت رسول گل اور سلطان کے ناموں سے ہوئی ہے، جب کہ زخمی شخص فقیر خان ہے۔
پولیس نے موقع پر پہنچ کر مقدمہ درج کر کے تحقیقات کا آغاز کر دیا ہے اور ذمہ داروں کو قانون کے کٹہرے میں لانے کے لیے کارروائی جاری ہے۔