گوجرانوالہ کے نجی اسپتال میں ایک غیرمعمولی واقعہ پیش آیا ہے، جہاں ایک خاتون نے بیک وقت پانچ بچوں کو جنم دے کر نہ صرف اپنے خاندان بلکہ پورے علاقے میں خوشی کی لہر دوڑا دی۔ خاتون کو گزشتہ روز اسپتال لایا گیا تھا، جہاں کامیاب ڈیلیوری کے بعد چار لڑکیاں اور ایک لڑکا دنیا میں آئے۔
اس موقع پر اسپتال کا دیگر عملہ اور وہاں موجود مریضوں کے لواحقین بھی حیران رہ گئے۔ پیدا ہونے والے بچوں میں ایک لڑکی کی طبیعت نازک بتائی جارہی ہے، جسے فوری طور پر نرسری میں منتقل کر دیا گیا ہے تاکہ خصوصی نگہداشت فراہم کی جا سکے۔
کراچی: بلدیہ ٹاؤن میں خاتون کے ہاں بیک وقت 5 بچوں کی پیدائش
دلچسپ بات یہ ہے کہ کومل نامی اسی خاتون نے دو سال قبل بھی بیک وقت تین بچوں کو جنم دیا تھا۔ یعنی صرف دو سال میں وہ آٹھ بچوں کی ماں بن چکی ہیں، جس پر اہلِ خانہ خوشی سے سرشار ہیں۔
دو رحم والی خاتون کے گھر دو الگ الگ بچوں کی پیدائش
اسپتال انتظامیہ نے ماں اور بچوں کو مکمل طبی سہولیات فراہم کی ہیں اور ان کی صحت تیزی سے بہتر ہو رہی ہے۔