پشاور سے نکلنے والی جعفر ایکسپریس 300 مسافروں کو لے کر کوئٹہ پہنچ گئی، ریلوے اسٹیشنز پر ڈی ایس ریلوے اور دیگر حکام نے مسافروں کو استقبال کیا۔
گزشتہ روز پشاور سے روانہ ہونے والی جعفر ایکسپریس بحفاظت کوئٹہ پہنچ گئی، 300 مسافر جعفر ایکسپریس کے ذریعے پشاور سے کوئٹہ پہنچے، اس موقع پر سیکیورٹی کے سخت انتظامات کیے گئے۔
ریلوے اسٹیشنز پر ڈی ایس ریلوے اور دیگر حکام نے مسافروں کو استقبال کیا، ٹرین کی بروقت آمد سے مسافروں نے اطمینان کا اظہار کیا۔
ریلوے حکام کے مطابق جعفر ایکسپریس کا سفر معمول کے مطابق جاری رہا اور دوران سفر کسی بھی ناخوشگوار واقعے کی اطلاع نہیں ملی، مسافروں نے سہولیات پر ملا جلا ردعمل دیا، کچھ نے بہتر سفری انتظامات کو سراہا، جبکہ بعض نے صفائی اور دیگر سہولیات کی کمی کی شکایت کی۔
ریلوے انتظامیہ کا کہنا ہے کہ وہ مسافروں کو بہتر سفری تجربہ فراہم کرنے کے لیے سہولیات میں مزید بہتری کے لیے کوشاں ہیں
دہشت گردی کا نشانہ بننے والی جعفر ایکسپریس 17 روز بعد کوئٹہ سے روانہ
قبل ازیں بلوچستان سے 17 روز سے معطل ٹرین کا رابطہ بالآخر بحال ہوگیا، جعفر ایکسپریس کی بحالی کے بعد پہلی ٹرین کوئٹہ سے پشاور کے لئے روانہ ہوگئی۔ رکن صوبائی اسمبلی جمال شاہ کاکڑ نے ٹرین کو رخصت کیا۔
کوئٹہ سے پشاور کینٹ کے لیے جعفر ایکسپریس 17 روز بعد روانہ کی گئی، 10 بوگیوں پر مشتمل ٹرین میں سوار 400 مسافر اپنی منزل کی جانب روانہ ہوئے۔
جعفر ایکسپریس پر حملے کا مقدمہ درج، کون سی دفعات لگائی گئیں
گزشتہ روز 16 روز سے معطل رہنے والی جعفر ایکسپریس 280 سے زائد مسافروں کو لے کر پشاور سے کوئٹہ کی جانب روانہ ہوئی تھی، وفاقی وزیر امیر مقام نے پشاور سے ٹرین کو روانہ کیا تھا۔
ملتان ریلوے اسٹیشن پر آج نیوز سے گفتگو میں مسافروں نے اپنے ٹرین کے سفر کو خوشگوار قرار دیتے ہوئے کہا کہ ملک سے دہشت گردی کا جڑ سے مکمل طور پر خاتمہ ہونا چاہیے۔
جعفر ایکسپریس حملے کے متاثرین سے اظہار یکجہتی کیلئے ایئر یونیورسٹی کی جانب سے امن واک کا انعقاد
واضح رہے کہ 11 مارچ کو کالعدم بی ایل اے نے جعفر ایکسپریس پر حملہ کرکے مسافروں کو یرغمال بنالیا تھا، سیکیورٹی فورسز نے 2 روز آپریشن کرکے تمام دہشت گردوں کو ہلاک کر دیا گیا۔