سعودی عرب سمیت کئی خلیجی ریاستوں میں اتوار کو عید الفطر مذہبی جوش و جذبے سے منائی گئی۔ مسجد الحرام ، مسجد نبویؐ اور مسجد اقصیٰ میں عید کے بڑے روح پرور اجتماعات ہوئے، مدینہ منورہ میں عید الفطر کے روز کالی گھٹائیں برس پڑیں تیز ہوائوں کے ساتھ ہلکی بارش موسم خوشگوار ہوگیا۔
سعودی سپریم کونسل کی زیر نگرانی ہفتہ کی شام ملک کے مختلف شہروں میں چاند دیکھا گیا جس کے بعد یکم شوال کا اعلان کیا گیا۔
سعودی عرب میں عید الفطر کی نماز کے بڑے اجتماعات مسجد الحرام اور مسجد نبویؐ اور مسجد اقصیٰ میں منعقد ہوئے، مسجد الحرام میں نماز عید کی امامت الشیخ عبدالرحمن السدیس نے کی۔
مسجد نبویؐ میں نمازعید شیخ عبداللہ کی امامت ادا کی گئی، جہاں لاکھوں افراد نے نماز عید ادا کی، مسجد نبوی میں نماز کی امامت شیخ عبداللہ نے کی اور خطبہ دیا، خطبات میں مسلمانوں کو اخوات، اتحاد اور خیر خواہی کی تلقین کی گئی۔
مدینہ منورہ میں ملحقہ علاقوں میں نماز عید کے بعد باران رحمت برس پڑی مسجد نبویؐ میں بھی بارش برسی زائرین نے بارش برسنے پر اللہ کا شکر ادا کیا بارش کے باعث مدینہ منورہ کا موسم خوشگوار ہوگیا
عیدالفطر کے خطبے کے بعد عالم اسلام کی سلامتی اور خوشحالی کے لیے خصوصی دعائیں کی گئیں جبکہ فلسطینیوں کی بڑی تعداد نے بھی مسجد الاقصیٰ میں عید کی نماز ادا کی۔
نماز عیدالفطر اور خطابات کے بعد امتِ مسلمہ کی سلامتی اور خیر و برکت کی دعائیں کی گئیں، جس کے بعد ایک دوسرے سے بغلگیر ہو کر عید الفطر کی مبارکباد دی گئی۔
خادم حرمین شریفین شاہ سلمان نے حرمین شریفین شاہ سلمان نے عیدالفطر کے موقع پر ملت اسلامیہ کو مبارک باد دی اور کہا کہ اللّٰہ کے شکر گزار ہیں کہ رمضان میں لاکھوں عمرہ زائرین کی خدمت کا موقع ملا۔
دوسری جانب متحدہ عرب امارات جہاں ڈرونز کے ذریعے عید کا چاند دیکھا جا رہا تھا وہاں بھی شہادتیں موصول ہونے پر آج بروز اتوار عید ہونے کا اعلان کیا گیا ہے۔
اسی طرح قطر میں چاند نظر آنے کے باعث آج عید ہے، زیادہ تر خلیجی ممالک میں آج عید منائی جا رہی ہے، امریکا، برطانیہ، فرانس اور ترکیہ میں بھی آج عید منائی جا رہی ہے۔
خلیجی ممالک متحدہ عرب امارات ، قطر ، کویت اور بحرین میں بھی آج عید منائی جا رہی ہے۔۔
دوسری جانب ایران، عمان، انڈونیشیا، ملائیشیا، برونائی، آسٹریلیا، بھارت اور بنگلادیش میں چاند نظر نہ آنے کے باعث پیر کے روز عید ہونے کا اعلان کیا گیا ہے۔
قبل ازیں یہ خیال کیا جا رہا تھا کہ ممکنہ طور پر دنیا کے زیادہ تر ممالک میں عید ایک ہی دن یعنی بروز پیر 31 مارچ کو ہوگی۔
واضح رہے کہ سعودی عرب میں عیدالفطر کا چاند نظر آگیا ہے، جس کے بعد اس بار ماہ رمضان 29 روزوں کا ہوا اور اب وہاں عید آج ہوگی، جبکہ پاکستان میں شوال کا چاند تشکیل پاگیا ہے۔
ذرائع کے مطابق ہفتے کو سعودی دارالحکومت ریاض کے نواح میں واقع سدیر میں شوال کا چاند دیکھنے کیلئے مرکزی اجلاس ہوا۔
مکہ مکرمہ، مدینہ منورہ، تبوک، دمام سمیت 10 سے زائد مقامات پر رویت ہلال کمیٹیوں کے اجلاس کا ہوا۔
سعودی سپریم کورٹ نے عوام سے بھی شوال کا چاند دیکھنے کی اپیل کی، اور ملکی اور غیر ملکی شہریوں نے چاند کا مشاہدہ کرکے گواہی دی۔
سعودی ماہرین فلکیات کے مطابق شوال کے چاند کی پیدائش آج دن 2 بجے ہوئی ہے۔
عید کی خوشیوں کو دوبالا کرنے کیلئے آج انٹرٹینمنٹ لارہا ہے، میٹھی عید پر مزیدار ڈراموں کا تڑکا
سعودی ماہرین فلکیات کا کہنا تھا کہ شوال کا چاند غروب آفتاب کے 8 منٹ تک افق پر رہے گا۔
ادھر انڈونیشیا، ملائشیا اور آسٹریلیا میں عید پیر کو منانے کا اعلان کردیا گیا ہے۔
یونان سمیت یورپ بھر میں بھی کل عید الفطر منائی جائے گی، یونان میں سرکاری طور پر اعلان کر دیا گیا، آسٹریا کی اسلامی نظریاتی کونسل نے بھی کل عید منانے کا اعلان کردیا۔
مرکزی رویت ہلال کمیٹی / اجلاس
پاکستان میں مرکزی رویت ہلال کمیٹی کل سر جوڑے گی۔ ماہرین فلکیات نے شوال کا چاند واضح نظرآنے کی امید ظاہر کردی۔
محکمہ موسمیات کے ذرائع کے مطابق شوال کا چاند آج 3 بج کر 58 منٹ پر تشکیل پاگیا، اتوار کو مغرب کے وقت چاند کی عمر 26 گھنٹے سے زیادہ ہوگی، جس کے باعث عید الفطر 31 مارچ بروز پیر کو ہونے کا قوی امکان ہے۔
ذرائع کے مطابق سورج اور چاند کے درمیان غروب کا فرق 69 سے 78 منٹ ہوگا، کراچی میں غروب شمس و قمر کا فرق 69 منٹ ہو گا۔
شوال کا چاند دیکھنے کے لیے مرکزی رویت ہلال کمیٹی کا اجلاس کل ہوگا۔ چیئرمین مرکزی رویت ہلال کمیٹی مولانا عبدالخبیر آزاد اجلاس کی صدارت کریں گے۔
اجلاس کل شام 6 بجے وزارت مذہبی امور کوہسار بلاک کی چھت پر ہوگا۔ زونل اجلاس صوبائی دارالخلافوں میں بیک وقت منعقد ہوں گے۔