سی سی ڈی رحیم یار خان کا مبینہ مقابلہ، اپنے ہی ساتھیوں کی فائرنگ سے طیفی بٹ ہلاک

ذرائع  نے کہا کہ طیفی بٹ کو لاہور منتقل کیا جا رہا تھا، تھانہ کوٹ سبزل صادق آباد کے علاقے میں طیفی بٹ کو اس کے ساتھی پولیس سے چھڑا کر فرار ہوئے۔

پولیس  کے مطابق پولیس نے طیفی بٹ کو ساتھیوں سے چھڑوانے کی کوشش  کی، اس دوران طیفی بٹ اپنے ہی ساتھیوں کی فائرنگ سے ہلاک ہو گیا۔

طیفی بٹ کی لاش کو  مردہ خانے منتقل کر دیا گیا، پولیس کی بھاری نفری موقع پر موجود تھی۔

رحیم یار خان میں طیفی بٹ کے ساتھیوں کے ساتھ فرار ہونے کا مقدمہ درج کر لیا گیا، مقدمہ ڈی ایس پی سی سی ڈی ماڈل ٹاون لاہور سید حسین حیدر کی مدعیت میں درج کیا گیا۔

ایف آئی آر کے مطابق طیفی بٹ کو گرفتار کر کے لاہور لے جا رہے تھے 2 گاڑیوں میں سوار ملزمان نے فائرنگ کر دی۔

فائرنگ سے ایک پولیس کانسٹیبل نور گولی لگنے سے زخمی ہو گیا، ملزمان نے طیفی بٹ کو ہتھکڑیاں سمیت اپنی گاڑی میں بٹھا لیا اور فرار ہو گئے۔