پشاور میں صوبائی حکومت کا مشاورتی اجلاس ہوا جس میں پی ٹی آئی کے مرکزی رہنما بھی طلب کر لیے گئے۔
ذرائع پی ٹی آئی پارلیمانی پارٹی نے کہا کہ بانی پی ٹی آئی کی جانب سے مرکزی اور صوبائی رہنماؤں کو ایک پیج پر ہونے کے احکامات جاری کیے گئے۔
لیگل ٹیم سے وزیر اعلی کے انتخاب کے لئے مشاورت کی جائے گی، جنید اکبر، اسد قیصر، بابر سلیم سواتی کو خصوصی ٹاسک حوالے کردیا گیا۔
ذرائع پارلیمانی پارٹی نے کہا کہ آئندہ 72 گھنٹوں میں وزیر اعلی کا انتخاب ہو جائیگا، حالیہ صورتحال میں اپوزیشن کی حکمت عملی کا بھی جائزہ لیا گیا۔
اس کے علاوہ بیرون ملک سے کے پی حکومت کے ممبران صوبائی کو طلب کر لیا گیا، عارف احمد زئی ، نزیر عباسی ، تاج محمد ترند پاکستان پہنچ گئے، آصف محسود بھی وزیر اعلی کے انتخاب کے لئے بیرون ملک سے واپس آگئے۔
حکومتی ٹیم میں شامل دو ایم پی اے تاحال بیرون ملک موجود ہیں، ایم پی ایز کو فوری واپسی کے لئے پیغام بھجوا دیا گیا، شیر علی ارباب بھی بیرون ملک سے واپس آگئے۔