عید کے روز قمبر شہداد کوٹ میں 2 موٹرسائیکلوں میں تصادم ہوا ہے جس کے نتیجے میں ماں اور بیٹی جاں بحق ہو گئے، حادثے میں دو بچوں سمیت چار افراد بھی زخمی ہوئے۔
سندھ کے ضلع قمبرشہدادکوٹ میں عید کی خوشیاں ماتم میں تبدیل ہوگئیں۔ تھانہ بہرام کی حدود میں رشتہ داروں سے عید ملنے جانے والا خاندان حادثے کا شکار ہو گیا۔
دو موٹرسائیکلوں میں تصادم کے نتیجے میں ماں بیٹی جاں بحق اور دو کمسن بچوں سمیت 4 افراد زخمی ہوگئے۔ زخمیوں میں جاں بحق خاتون کا شوہر، ساس اور 2 کمسن بچے شامل ہیں۔
ریسکیو حکام کے مطابق جاں بحق ہونیوالوں میں 28 سالہ ذکیہ اوراس کی 5 سالہ بیٹی عریبہ شامل ہیں۔ حادثے کا شکار خاندان رشتہ داروں سے عید ملنے کیلئے جا رہا تھا۔