حالیہ انٹرویو میں انہوں نے ثانیہ مرزا سے گفتگو کے دوران بتایا کہ 1989 میں جب وہ 15 سال کے تھے، اسپورٹس کے بجائے مختلف چیزیں سیکھنے میں دلچسپی رکھتے تھے۔ فرانسیسی زبان، کوکنگ، فلاور و فروٹ ارینجمنٹ اور امپورٹ ایکسپورٹ جیسے کورسز بھی کیے۔
کرن جوہر کے مطابق اسکول میں تقریر اور ٹیبلو کا شوق تھا لیکن اسی دوران ان کے کوچ نے توجہ دلائی کہ ان کی گفتگو، چال ڈھال اور آواز لڑکیوں جیسی ہے جو آگے چل کر مسائل پیدا کرسکتی ہے۔ کوچ نے انہیں مردانہ انداز اپنانے میں مدد کی پیشکش کی۔
انہوں نے بتایا کہ وہ 3 سال تک ہفتے میں 3 دن کوچ اور ان کی اہلیہ کے گھر جا کر کلاسز لیتے رہے جہاں انہوں نے مردوں کی طرح چلنا اور بات کرنا سیکھا۔ یہ سب انہوں نے خوف کی وجہ سے والد سے بھی چھپایا، انہیں صرف یہی بتایا کہ وہ کمپیوٹر کلاس لے رہے ہیں اور اسی کی فیس کے نام پر کوچ کو ادائیگی کرتے رہے۔