ویمنز بی بی ایل: بارش نے سڈنی تھنڈرز کو یقینی فتح سے محروم کردیا، امپائرز کے فیصلے پر تنازع

تفصیلات کے مطابق سڈنی تھنڈرز کو اس وقت غیر معمولی مایوسی کا سامنا کرنا پڑا جب امپائرز نے ہلکی بارش کے باوجود اچانک کھیل روک کر ختم کرنے کا اعلان کردیا۔

میچ کو بارش کے باعث پہلے ہی فی اننگز پانچ اوورز تک محدود کردیا گیا تھا اور ایڈیلیڈ اسٹرائیکرز نے سڈنی تھنڈرز کو 46 رنز کا ہدف دیا تھا۔

فوبے لچفیلڈ نے دھواں دار بیٹنگ کرتے ہوئے 15 گیندوں پر 38 بناکر ٹیم کو 2.5 اوورز میں 43 رنز تک پہنچادیا تھا جب امپائرز نے متنازع فیصلہ کیا۔

اگرچہ ہلکی بارش کچھ دیر سے جاری تھی لیکن اس دوران کھیل بھی جاری تھا، محض 3 رنز کی دوری پر اچانک میچ ختم کرنے کا فیصلہ شائقین اور کمنٹیٹرز کو بھی حیران کرگیا۔

Nooooo way!

In a five-over game, the Thunder needed three more runs to win off 13 balls…

And umpires call for the covers with rain no heavier than it had been in the previous 15 minutes, per @TheoDrop.

Game called off, no result 🫣#WBBL11 pic.twitter.com/b24oi9XmsF
— 7Cricket (@7Cricket) November 28, 2025

لچفیلڈ نے امپائرز کے فیصلے کو انتہائی مایوس کن قرار دیا جبکہ ایڈیلیڈ اسٹرائیکرز کی کپتان تاہلیا میک گرا کا کہنا تھا کہ امپائرز مشکل صورتحال میں تھے کیونکہ ہلکی بارش ہوچکی تھی اور گیند پھسل رہی تھی۔