آسٹریلوی کرکٹ بورڈ کی جانب سے جاری کردہ بیان کے مطابق اسٹیو اسمتھ اچانک بیماری کے باعث تیسرے ایشز ٹیسٹ سے باہر ہوگئے ہیں ان کی جگہ عثمان خواجہ کو دوبارہ ٹیم میں شامل کر لیا گیا ہے اور وہ نمبر چار پر بیٹنگ کریں گے۔
Superstar batter Steve Smith is OUT of the Adelaide #Ashes Test.
Details: https://t.co/5bF59ENUlr pic.twitter.com/kLbsarsQc7
— cricket.com.au (@cricketcomau) December 16, 2025
ایڈیلیڈ اوول میں ٹاس سے صرف 20 منٹ قبل اسمتھ کو متلی اور چکر آنے کی شکایت کے باعث ٹیم سے الگ ہونا پڑا۔
آسٹریلیا نے ٹاس جیت کر پہلے بیٹنگ کا فیصلہ کیا، تاہم اسمتھ کی غیر موجودگی ٹیم کے لیے بڑا دھچکا ہے۔
کپتان پیٹ کمنز کے مطابق اسمتھ نے صبح نیٹس میں فٹنس آزمانے کی کوشش کی، مگر وہ خود کو مکمل طور پر تیار محسوس نہیں کر رہے تھے، جس کے بعد انہیں گھر بھیج دیا گیا۔
Steve Smith is leaving Adelaide Oval 🤯#Ashes pic.twitter.com/d9iZ8vkzXH
— 7Cricket (@7Cricket) December 16, 2025
ٹیم انتظامیہ کو امید ہے کہ وہ میلبرن میں ہونے والے چوتھے ٹیسٹ تک فٹ ہو جائیں گے۔
اسمتھ ماضی میں بھی اندرونی کان (ویسٹیبیولر) مسائل کا شکار رہ چکے ہیں اور اسی نوعیت کی علامات انہیں پہلے بھی مختلف مواقع پر متاثر کر چکی ہیں۔
دوسری جانب عثمان خواجہ کے لیے یہ ایک غیر متوقع موقع ہے۔ محض ایک دن قبل انہیں ٹیم سے باہر رکھا گیا تھا، لیکن اب وہ اسمتھ کی جگہ مڈل آرڈر میں واپس آ گئے ہیں۔
اگرچہ خواجہ ٹیم میں شامل ہو گئے، تاہم اوپننگ جوڑی ٹریوس ہیڈ اور جیک ویدرالڈ ہی برقرار رہی۔
39 سالہ خواجہ نے میچ سے قبل بیٹنگ کوچ مائیکل ڈی وینوٹو سے گلے مل کر جذباتی لمحہ بھی شیئر کیا۔