مقبوضہ کشمیر سے راج ناتھ سنگھ کے بیان کے خلاف کشمیری شہری کی للکار

مقبوضہ کشمیر سے ایک شہری نے بھارت کے وزیر دفاع راج ناتھ سنگھ کے بیان پر للکارتے ہوئے کہا کہ پاکستان کو دھمکیاں دینے سے پہلے سوچ لینا کہ پاکستانی عسکری قیادت اس بار بدلے کا آغاز کلکتہ سے کرے گی۔

مقبوضہ کشمیر کے مرکزی شہر سری نگر کی آرمی آفیسر کالونی سے پیغام میں کشمیری شہری نے کہا ہے کہ راج ناتھ سنگھ نے پچھلی بار بھی پہلگام میں نہتے کشمیریوں کا خون بہایا تھا۔

انہوں نے کہا کہ پاکستان کو دھمکیاں دینے سے پہلے سوچ لینا کہ پاکستانی عسکری قیادت اس بار بدلے کا آغاز کلکتہ سے کرے گی، راج ناتھ جیسے  لوگوں کی وجہ سے بھارت کا دنیا میں منہ کالا ہو رہا ہے اور اس دفعہ پھر ہونے جا رہا ہے۔

کشمیری شہری نے وائرل ویڈیو میں پاکستان سے والہانہ محبت اور انتہا پسند مودی سرکار کے وزیردفاع پر سخت برہمی کا اظہار کیا۔

وائرل ویڈیو میں دیکھا جاسکتا ہے کہ کشمیری شہری  Long Live Pakistanپاکستان والی  پرچی بھی لہرا رہا ہے۔