وزیر اعظم کی ہدایات پر ٹول پلازہ فیس میں ہونے والا سہہ ماہی اضافہ معطل کر دیا گیا۔ وفاقی وزیر مواصلات عبدالعلیم خان نے این ایچ اے کو نوٹیفکیشن واپس لینے کے احکامات جاری کیے۔
وفاقی وزیر عبدالعلیم خان کا کہنا تھا کہ موجودہ صورت حال میں شہریوں پر مزید بوجھ نہیں ڈالا جا سکتا۔
وفاقی وزیر نے ٹول ٹیکس میں 5اپریل سے ہونے والا اضافہ معطل کرنے کا اعلان کرتے ہوئے نیا نوٹیفکیشن جاری کر دیا۔
عبدالعلیم خان کا کہنا تھا کہ پیٹرول و ڈیزل کی قیمتوں میں اضافے سے پہلے ہی مشکلات کا سامنا ہے، وزیر اعظم کی ہدایت پر عوام کی مشکلات کم کرنے کے لیے جو بھی ہو سکا کریں گے۔ حالات مشکل، قوم مل کر اس صورتحال کا مقابلہ کر سکتی ہے۔
وفاقی وزیر مواصلات کی ہدایت پر این ایچ اے کا یکم اپریل کو جاری ہونے والا نوٹیفکیشن معطل کر دیا گیا۔
این ایچ اے نے مالی سال 2025-26 میں ٹول پلازہ فیس کی مد میں کوئی اضافہ نہیں کیا۔