وزیر مملکت برائے داخلہ طلال چوہدری کا کہنا ہے کہ بھارت میں ہونے والے فالس فلیگ آپریشنز کا مقصد بہتر انتخابی نتائج حاصل کرنا اور مسلمانوں کے خلاف دشمنی بڑھانا ہے۔ ان آپریشنز کے ذریعے مسلمانوں کی جائیدادوں کو نشانہ بنایا جا رہا ہے، اور یہ کارروائیاں مسلمانوں کے خلاف زمین تنگ کرنے کے مترادف ہیں۔
طلال چوہدری نے پہلگام میں ہونے والے حالیہ دہشت گرد حملے کا ذکر کرتے ہوئے کہا کہ اس کے بعد مقبوضہ کشمیر میں مسلمانوں کی جائیدادیں گرا دی جا رہی ہیں اور جعلی پولیس مقابلے ہو رہے ہیں۔ انہوں نے مزید کہا کہ بھارتی وزیراعظم نریندر مودی پہلے بھی دھمکی دے چکے ہیں کہ وہ پانی بند کر دیں گے، اور حالیہ فالس فلیگ آپریشن سے انڈیا نے یکطرفہ طور پر پانی کے معاہدے کو معطل کر دیا ہے۔ طلال چوہدری نے بھارتی میڈیا کی تنقید کو مسترد کرتے ہوئے کہا کہ پانی روکنے کے بجائے دریائے جہلم میں پانی چھوڑ دیا گیا ہے اور اس وقت 6 سے 7 فٹ پانی میں اضافہ ہو چکا ہے۔
پانی روکنے کیلئے بھارت نے ڈیم بنایا تو اسے نیست و نابود کر دیں گے، رانا ثنا اللہ
وزیر مملکت نے خبردار کیا کہ اگر بھارت نے کوئی غلطی کی تو پاکستان کا جواب تاریخ رقم کرے گا۔ انہوں نے کہا کہ اگر بھارت نے جارحیت کا سوچا تو پاکستان کا جواب ایسی جارحیت کا ہمیشہ خاتمہ کرے گا۔ طلال چوہدری نے کہا کہ پاکستان امن چاہتا ہے، مگر وہ کسی بھی دھمکی سے نہیں ڈرتا۔
انہوں نے دو قومی نظریے کی اہمیت پر بھی زور دیا اور کہا کہ ہر گزرتے دن کے ساتھ یہ نظریہ سچا ثابت ہو رہا ہے کہ پاکستان اور بھارت دو الگ قومیں ہیں۔ یہ نظریہ پاکستان کے وجود کا بنیادی سبب ہے اور اگر یہ نظریہ نہ ہوتا تو آج پاکستان کے مسلمانوں پر بھی زمین تنگ ہو چکی ہوتی۔
بھارت کے لیے بہتر ہوگا کہ کوئی پنگا نہ لے، اسحاق ڈار
طلال چوہدری نے سوال اٹھایا کہ پہلگام میں ایک گھنٹہ دہشت گردی جاری رہی اور کوئی فوراً کارروائی کے لیے نہیں پہنچا، لیکن واقعے کے 10 منٹ بعد ہی ایف آئی آر درج کر دی گئی جس میں لکھا گیا کہ دہشت گرد کہاں سے آئے تھے۔ فوراً ہی پاکستان کے خلاف اقدامات کیے گئے، جس سے ان کے کردار کی حقیقت سامنے آتی ہے۔
آبی دہشتگردی کا آغاز، بھارت نے بغیر اطلاع دریائے جہلم میں پانی چھوڑ دیا
آخر میں وزیر مملکت نے کلبھوشن یادیو کی گرفتاری کا ذکر کرتے ہوئے کہا کہ ہم نے کلبھوشن یادیو کو پاکستان میں پکڑا، مگر انڈیا میں ایسا کوئی پاکستانی آفیسر پکڑا نہیں گیا۔ دہشت گردی ایک عالمی مسئلہ ہے، اور کینیڈا اور امریکا جیسے ممالک بھی بھارت کی ریاستی سرپرستی میں دہشت گردی کے اعتراف کر چکے ہیں۔