محکمہ انسدادِ دہشت گردی (سی ٹی ڈی) انٹیلیجنس ونگ نے کراچی میں کامیاب کارروائی کرتے ہوئے شارٹ ٹرم اغواء میں ملوث چار خطرناک ملزمان کو گرفتار کرلیا۔ ترجمان سی ٹی ڈی کے مطابق گروہ شہریوں کو اغواء کر کے خود کو حساس اداروں کا اہلکار ظاہر کرتا تھا۔
ترجمان کے مطابق ملزمان شہریوں کو ہتھکڑیاں اور اسلحہ دکھا کر اسٹیل ٹاؤن کے ویران علاقے میں لے جاتے اور تاوان کی رقم وصول کرنے کے بعد انہیں دوسرے علاقوں میں چھوڑ دیتے تھے۔
کارروائی صدر پارکنگ پلازہ کے قریب عمل میں لائی گئی، جہاں سے چاروں ملزمان کو گرفتار کیا گیا۔ ملزمان کے قبضے سے پستول، جعلی نمبر پلیٹ والی گاڑی، موبائل فونز، واکی ٹاکی اور ہتھکڑیاں برآمد کی گئی ہیں۔
پولیس اپنے سی ٹی ڈی بھائیوں پر اغواء برائے تاوان کا الزام ثابت کرنے میں ناکام، عدالت نے رہا کردیا
سی ٹی ڈی ترجمان کا کہنا ہے کہ گروہ کے دیگر ممکنہ ساتھیوں کی گرفتاری کے لیے چھاپے جاری ہیں اور گرفتار ملزمان سے مزید تفتیش کی جا رہی ہے۔